43‑hadovaha žychara Biarozaŭskaha rajona buduć sudzić za prysvajeńnie hrošaj. Mužčyna pracavaŭ administrataram u adnoj ź minskich saŭnaŭ. U žniŭni 2025 hoda, znachodziačysia na pracy, jon vyrašyŭ vypić, ale svaich hrošaj nie mieŭ, tamu ŭziaŭ ich z kasavych srodkaŭ ustanovy, piša ahienctva «Minsk-Naviny».
Niekalki dzion zapar mužčyna piŭ, znachodziačysia na pracoŭnym miescy, a paśla zabraŭ z kasy reštu vyručki (1270 rubloŭ) i pajšoŭ, nie dačakaŭšysia źmienščyka.
Kali na pracu pryjšoŭ jaho kaleha, to ubačyŭ biesparadak i źniknieńnie hrošaj. Pra zdareńnie adrazu paviedamili kiraŭnictvu i ŭ milicyju.
Jak vyśvietliłasia, abvinavačany ŭžo mieŭ sudzimaść — u 2019 hodzie jaho pryciahvali da adkaznaści za ŭchileńnie ad vypłaty alimientaŭ. Ciapier jamu vystavili abvinavačańnie pavodle art. 211, č. 1 Kryminalnaha kodeksa — prysvajeńnie davieranych jamu srodkaŭ.
Mužčyna pryznaŭ vinu i raskajaŭsia. Ekśpierty adznačyli, što jon chvareje na chraničny ałkahalizm i patrabuje prymusovaha lačeńnia. Na čas śledstva da jaho prymianili mieru strymańnia — padpisku ab niavyjeździe i naležnych pavodzinach.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary