Sinod BPC vystupiŭ z zvarotam u suviazi ź nibyta hanieńniami na Ukrainskuju pravasłaŭnuju carkvu Maskoŭskaha patryjarchata
Sinod Biełaruskaj pravasłaŭnaj carkvy Maskoŭskaha Patryjarchata vystupiŭ z zvarotam, što praciahvajucca hanieńni na ijerarchaŭ, śviataroŭ, manastva i śvieckich Ukrainskaj pravasłaŭnaj carkvy Maskoŭskaha patryjarchata.
U zvarocie adznačajecca, što Sinod BPC z hłybokim sumam usprymaje paviedamleńni pra toje, što praciahvajucca i ŭzmacniajucca hanieńni na ijerarchaŭ, śviataroŭ, manastva i śvieckich UPC.
Sinod BPC zajaŭlaje ad imia pravasłaŭnych viernikaŭ Biełarusi pra «ŭsieahulnuju zaniepakojenaść stanoviščam spraŭ kananičnaj Pravasłaŭnaj Carkvy na terytoryi Ukrainy. Ale, na žal, u ciapierašni čas ź vialikim bolem i tryvohaj kanstatuje, što niepravamiernyja dziejańni suprać adzinaj u krainie kananičnaj Pravasłaŭnaj Carkvy praciahvajucca».
Siońnia ŭ Kijevie pavinna prajści sudovaje pasiadžeńnie, jakoje moža spynić dziejnaść Kijeŭskaj mitrapolii UPC.
Uletku 2025 hoda Dziaržaŭnaja słužba Ukrainy pa etnapalitycy paviedamiła, što Kijeŭskaja mitrapolija UPC MP (Ukrainskaj pravasłaŭnaj carkvy Maskoŭskaha patryjarchata) aficyjna pryznana afilavanaj z Ruskaj pravasłaŭnaj carkvoj, dziejnaść jakoj zabaroniena na terytoryi Ukrainy.
U mai 2022 hoda, nieŭzabavie paśla pačatku vajny, UPC zajaviła pra svaju poŭnuju niezaležnaść i samastojnaść ad Maskvy, a Sabor Ukrainskaj pravasłaŭnaj carkvy vykazaŭ niazhodu z pazicyjaj Maskoŭskaha patryjarcha adnosna vajny va Ukrainie. Adnak paśla hetaha Dziaržsłužba pa etnapalitycy ŭsio roŭna zajaviła pra afilavanaść UPC (MP) z RPC i pradpisała mitrapalitu Anufryju likvidavać parušeńni. Ale toj admoviŭsia heta rabić.
Ukrainskaja pravasłaŭnaja carkva ciapier raskołataja na dźvie. Mnohija jeparchii UPC (MP) usio jašče majuć suviazi z Maskvoj i RPC. U toj ža čas PCU (Pravasłaŭnaja carkva Ukrainy) u 2019 hodzie atrymała ad Kanstancinopalskaha patryjarcha tomas, jaki zapuściŭ nadańnie joj statusu aŭtakiefalii i vychad z padparadkavańnia Maskvie.
Ciapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary