Minski park kamunalnaj techniki papoŭniŭsia cikavaj navinkaj — pieršym biełaruskim elektryčnym śmiećciavozam MAZ-GTe.
Jaho pieradali kampanii «Ekasistema horada» ŭ prysutnaści kiraŭnika Minpryrody Siarhieja Maślaka, paviedamili ŭ pres-słužbie MAZa.
Ministr nie admoviŭ sabie ŭ zadavalnieńni prajechać na mašynie i zajaviŭ, što prajechać na takoj technicy MAZ — mara luboha chłopčyka. Na pradpryjemstvie bačać vialiki patencyjał u raźvićci ekałahičnaha transpartu.
«Upeŭnieny, budzie i dziasiaty, i soty, i tysiačny elektryčny śmiećciavoz. Mahčyma, heta budzie hłabalny kirunak, źviazany z elektryfikacyjaj mašynabudavańnia. Vieru, što naš prajekt budzie paśpiachovym», — zajaviŭ kiraŭnik MAZa Valeryj Ivankovič.
Pieršy MAZ-GTe budzie absłuhoŭvać «Minsk-Śviet».
MAZ-GTe maje sinchronny elektraruchavik mahutnaściu 150 kVt. Batareja z zapasam enierhii bolš za 250 kVt·h zabiaśpiečvaje raźlikovy zapas chodu da 200 km.
Śmiećciavoz maje abjom kuzava 20 m³, moža źmiaścić da 10 t adkidaŭ. Zahruzić adzin kantejnier mašyna moža za 15 siekund. Kaeficyjent uščylnieńnia— 1:8, čas presavańnia — 25 siekund.
U mašyny vyniesienaja napierad kabina z panižanaj padłohaj. Unutry jana prastornaja, jość navat mahčymaść stać u poŭny rost.
Jość prybornaja panel z kalarovym ŽK-dysplejem i sensarnaja panel kiravańnia. Dobry ahlad dla kiroŭcy zabiaśpiečvajecca z dapamohaj sistemy kruhavoha ahladu na 360 hradusaŭ, vyjavy zadniaha vyhladu z čatyroch kamier vyvodziacca na bakavyja manitory na stojkach unutry kabiny.
Na pradpryjemstvie padkreślili, što ŭsio elektryčnaje abstalavańnie było sprajektavana i ŭstanoŭlena śpiecyjalistami MAZa.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary
u dvarach budzie nie prajechać pa habarycie, a na palihonie siadzie.