Žurnalista Paŭła Dabravolskaha abvinavacili ŭ «zdradzie dziaržavie»
Žurnalist Pavieł Dabravolski, jaki ŭtrymlivajecca ŭ SIZA KDB, abvinavačvajecca ŭ «zdradzie dziaržavie» (č. 1 art. 356 Kryminalnaha kodeksu). Jamu pahražaje da 15 hadoŭ pazbaŭleńnia voli, piša «Radyjo Svaboda».
Pavodle infarmacyi vydańnia «Pozirk», abvinavačańnie źviazana z prafiesijnaj dziejnaściu žurnalista, jaki raniej pracavaŭ jak u biełaruskich, tak i ŭ zamiežnych ŚMI, u tym liku ŭ ŭkrainskim časopisie NV.ua (da pačatku poŭnamaštabnaha ŭvarvańnia Rasii). Apošniaje miesca pracy Dabravolskaha ŭ Biełarusi — niezaležnaja infarmacyjnaja kampanija BiełaPAN, častka supracoŭnikaŭ jakoj u listapadzie 2021 hoda, napiaredadni jaje 30-hodździa, rašeńniem KDB była pryznana «ekstremisckim farmiravańniem».
30 kastryčnika 2020 hoda žurnalist byŭ zatrymany ŭ svajoj kvatery i potym aryštavany na 15 sutak. Paśla adjezdu ź Biełarusi ŭ kancy 2021 hoda jon padarožničaŭ pa roznych krainach, u tym liku ŭ Iranie i Rasii, byŭ u Paŭdniovaj Amierycy, u kastryčniku 2024 hoda viarnuŭsia ŭ Minsk.
Dabravolski byŭ zatrymany sioleta 22 studzienia, praź dziesiać dzion paśla svajho 35-hodździa.
26 žniŭnia pravaabarončaja supolnaść pryznała jaho palitviaźniem.
Stała viadoma pra aryšt žurnalista Paŭła Dabravolskaha
«Ja ŭpieršyniu ŭ žyćci ŭbačyŭ pistalet kala svajoj hałavy». Biełarusa abrabavali ŭ Buenas-Ajresie
Dyrektarku daśledčaj kampanii Mia Research amal dva hady ŭtrymlivajuć za kratami za sacyjałahičnaje daśledavańnie
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy
Kamientary