Vice-prezident ZŠA miarkuje, što mahčymaść urehulavańnia kanfliktu zachoŭvajecca, ale spatrebicca našmat bolš pracy, kab pakłaści kaniec vajnie.
Rasija i Ukraina «pakul nie hatovyja» zaviaršyć vajnu i zaklučyć mirnaje pahadnieńnie, niahledziačy na «miesiacy pieramovaŭ» i «enierhičnuju dypłamatyju» Donalda Trampa, zajaviŭ vice-prezident ZŠA Džej Dzi Vens.
«U kančatkovym vyniku pavinny być dva baki, hatovyja zaklučyć ździełku. Rasijanie i ŭkraincy prosta nie dasiahnuli taho punktu, kali jany mohuć zaklučyć pahadnieńnie», — skazaŭ Vens u intervju Newsmax.
Pavodle jaho słoŭ, mahčymaść urehulavańnia kanfliktu zachoŭvajecca, ale spatrebicca «našmat bolš pracy», kab pakłaści kaniec vajnie.
Jon adznačyŭ, što adnoj ź pieraškod na šlachu mirnych pieramovaŭ zastajecca «fundamientalnaje niesupadzieńnie čakańniaŭ, kali rasijanie schilnyja ličyć, što na poli boju jany dziejničajuć lepš, čym jość nasamreč». Mienavita heta ŭskładniła dasiahnieńnie pahadnieńnia ŭ apošnija niekalki miesiacaŭ, padkreśliŭ Vens.
Vice-prezident dadaŭ, što ciažkaści pracesu ŭrehulavańnia kanfliktu zasmučajuć Trampa i administracyju ZŠA. Adnak pakul kiraŭnik Biełaha doma praciahvaje pracavać nad dasiahnieńniem miru, i ŭ jaho jość vialikaja ŭpeŭnienaść u tym, što jon zmoža zaklučyć ździełku.
«Ja dumaju, što jon heta zrobić. Pytańnie tolki ŭ tym, kolki času heta zojmie», — padsumavaŭ Vens.
Kamientary