Apošnim časam u vioskach i haradach zaŭvažajuć niezvyčajnych haściej — maładych lis. Žyvioły spakojna razhulvajuć pamiž učastkaŭ, zahladvajuć u śmiećcievyja baki i zusim nie bajacca ludziej. Ci varta bić tryvohu i jak siabie pavodzić pry sustrečy ź dzikim źvieram? Na prykładzie Dziaržynskaha rajona razam sa śpiecyjalistami raźbirałasia «Uzvyšša».
U redakcyju pastupiŭ zvanok z sadovaha tavarystva «Pahraničnik», što znachodzicca niedaloka ad Dziaržynska.
— Mianie niepakoić adna prablema. U nas pa terytoryi chodzić lisa. Staršynia našaja telefanavała ŭ MNS i RAUS. Adpravili kudy dalej — a mienavita ŭ palaŭničuju haspadarku. Tam naohuł adkazali, kab my nie pieražyvali. Heta ŭvohule što takoje? — aburajucca členy ST.
Siezon cikaŭnaści: čamu lisy prychodziać da ludziej?
Jak rastłumačyli śpiecyjalisty, toje, što adbyvajecca, — siezonnaja i absalutna narmalnaja źjava. Ciapier u novaha patomstva lisianiat pačynajecca pieryjad samastojnaści: jany ŭžo adyšli ad maci, ale jašče nie navučylisia bajacca čałavieka.
— Jany padobnyja na maleńkich dziaciej, jakich upieršyniu vypuścili ŭ vialiki śviet, — pravodzić anałohiju kiraŭnik palaŭničaj haspadarki Alaksandr Cichanaŭ. — Cikaŭnyja, ale nie razumiejuć niebiaśpieki, tamu iduć da ludziej. U dadzienym vypadku žyvioła navat nie zacikaŭlena ŭ zdabyčy, nie čapaje chatniuju ptušku.
Važna viedać:
- takija pavodziny nie śviedčać pra chvarobu žyvioły;
- lisy nie ŭjaŭlajuć pramoj pahrozy dla ludziej;
- naściarožycca varta tolki ŭ tym vypadku, kali lisa prajaŭlaje niecharakternyja pavodziny, naprykład, vielmi ahresiŭnaja.
Kali situacyja narmalizujecca?
Prablema vyrašycca naturalnym šlacham z 1 listapada — aficyjnym adkryćciom siezona palavańnia. Maładyja lisy, sutyknuŭšysia ź niebiaśpiekaj, chutka navučacca paźbiahać ludziej i buduć trymacca dalej ad nasielenych punktaŭ.
— Lisa, jak voŭk ci janotapadobny sabaka, adnosicca da škodnaha vidu žyvioł, i my štohod arhanizujem jaje zdabyču, — adznačaje śpiecyjalist.
Kali ŭsio ž varta bić tryvohu?
Prykmiety sapraŭdnaha šalenstva, jakoje čaściej vyjaŭlajecca letam, kardynalna adroźnivajucca ad pavodzin cikaŭnych lisianiat.
Chvoraja žyvioła, jak praviła, pavodzić siabie nieadekvatna: nazirajecca ślinaciok, ahresija, parušeńnie kaardynacyi ruchaŭ. Zdarovaje ž lisiania prosta vyhladaje «miłym i cikaŭnym».
Kali padklučać słužby?
Vyklik śpiecyjalnych słužbaŭ (MNS abo RAUS) nieabchodny, kali žyvioła ŭjaŭlaje niebiaśpieku dla zdaroŭja i žyćcia čałavieka abo jamu patrabujecca dapamoha (źbita, traŭmiravana i h.d.). U rajonnych vykanaŭčych i rasparadčych orhanach pracujuć śpiecyjalnyja kamisii, jakija vyjazdžajuć na miesca i prymajuć rašeńnie pa dalejšym reahavańni.
U vypadku z ST «Pahraničnik» ludzi nastojvajuć na adstrele lisy. Ale vykarystańnie zbroi ŭ nasielenym punkcie zabaroniena zakanadaŭča.
— Nie dazvalajecca vieści stralbu i znachodzicca z zaradžanaj palaŭničaj zbrojaj na adlehłaści mienš za 200 mietraŭ ad krajniaha budynka nasielenaha punkta, — padkreślivaje Alaksandr Cichanaŭ. — Taksama vieści stralbu ŭ napramku ludziej abo nasielenych punktaŭ, sielskahaspadarčych žyvioł, transpartnych srodkaŭ z ahniastrelnaj hładkastvolnaj palaŭničaj zbroi na adlehłaści mienš za 500 mietraŭ da ich.
Ahulnaja adkaznaść
U inśpiekcyi pryrodnych resursaŭ i achovy navakolnaha asiarodździa adznačajuć, što samy nadziejny sposab paźbiehnuć padobnych sustreč — abaranić svoj padvorak z dapamohaj aharodžy. Darečy, hetaha patrabujuć i vieterynarnyja praviły. Aharodžu lepš zrabić ź mietaličnaj sietki, a kab paźbiehnuć padkopu, jaje varta dobra zahłybić. I zatym rehularna praviarać cełasnaść jak aharodžy, tak i haspadarčych pabudoŭ.
Źjaŭleńnie lis u sadach i vioskach vosieńniu — časovaja i naturalnaja źjava. Zachoŭvajcie spakoj, nie pravakujcie žyvioł, i nieŭzabavie, z pačatkam palaŭničaha siezona, jany navučacca zachoŭvać dystancyju. Ni ŭ jakim razie nie sprabujcie karmić lis, jość ryzyka zavieści sabie niečakanaha chatniaha hadavanca, rajać śpiecyjalisty.
Ciapier čytajuć
Źnikłuju ŭ Mjanmie Vieru Kraŭcovu znajšli miortvaj3
Źnikłuju ŭ Mjanmie Vieru Kraŭcovu znajšli miortvaj
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3838
Kamientary
-----------------------
Eto vy śpieciajlisty otnositieś da škodnaha vidu živieł. A lisy i vołki to naturalno.