Indyja adkazała na słovy Trampa pra admovu premjera Modzi ad rasijskaj nafty
Indyja adkazała na słovy prezidenta ZŠA Donalda Trampa ab admovie krainy ad zakupki rasijskaj nafty, padkreśliŭšy, što pryjarytet dla jaje — abarona intaresaŭ spažyŭca. Adpaviednaja zajava pradstaŭnika ministerstva Randchira Džajsvała apublikavana ŭ čaćvier na sajcie viedamstva, piša Deutsche Welle.
«Indyja — bujny imparcior nafty i hazu. Naš pastajanny pryjarytet — abarona intaresaŭ indyjskich spažyŭcoŭ va ŭmovach niestabilnaj enierhietyčnaj situacyi. Naša palityka ŭ halinie impartu całkam skiravanaja na dasiahnieńnie hetaj mety», — adznačajecca ŭ tekście.
Džajsvał adznačyŭ, što dla «zabieśpiačeńnia stabilnych cen na enierhanośbity i nadziejnaści pastavak» Indyja pašyraje krynicy enierhazabieśpiačeńnia «ŭ adpaviednaści z rynkavymi ŭmovami». Kažučy pra supracoŭnictva z ZŠA, jon dadaŭ, što indyjski bok na praciahu mnohich hadoŭ imknuŭsia pašyryć zakupki enierhii ŭ hetaj krainie, abmierkavańni hetaj temy pamiž bakami praciahvajucca i ciapier.
15 kastryčnika prezident ZŠA zajaviŭ, što premjer-ministr Indyi Narendra Modzi paabiacaŭ jamu spynić zakupki rasijskaj nafty. Pavodle słoŭ Trampa, heta adbudziecca «praz karotki pramiežak času».
«Ciapier my chočam damahčysia, kab Kitaj zrabiŭ toje ž samaje», — skazaŭ amierykanski lidar. Na heta adkazaŭ pradstaŭnik MZS Kitaja Liń Cziań, nazvaŭšy zakupki rasijskaj nafty «zakonnymi». Jon dadaŭ, što ZŠA zajmajucca «zapałochvańniem» i padryvajuć mižnarodny handal.
-
Miedyja z televizijnaha puła Biełaha doma padtrymali telekanał CNN u kanflikcie z Trampam. Nie zastaŭsia ŭbaku i Fox News
-
Śpiavačka Łalita na kancercie maciuknułasia prosta ŭ mikrafon, kali prylacieli ŭkrainskija drony VIDEA
-
Tramp nie paviedamlaŭ Litvie pra namier zaklučyć z Łukašenkam pahadnieńnie pa ŭhnajeńniach
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj43
Kamientary