Fiestyval biełaruskaha sučasnaha videamastactva projdzie ŭ Biełastoku
Centr Biełaruskaj kultury ŭ Biełastoku zaprašaje na pieršy fiestyval biełaruskaha sučasnaha videamastactva Samasiej, jaki adbudziecca z 3 pa 7 kastryčnika. Na vystavie ŭ miežach festu pakažuć pracy 12 mastakoŭ, jakija ciapier žyvuć u Polščy, Hiermanii i Litvie, choć bolšaść ź ich rodam ź Biełarusi. U ramkach mierapryjemstva taksama adbuducca sustrečy z mastakami, kancerty ekśpierymientalnych mastakoŭ Olgi Anny Markowskiej i Mufera, pakazy filmaŭ, paviedamlaje Budzma.
Adna z metaŭ fiestyvalu — zrabić ahlad taho, što adbyvajecca ŭ sučasnym biełaruskim mastactvie. Videapracy, pradstaŭlenyja padčas fiestyvalu, pakažuć ci raspaviaduć pra toje, jak mastaki znachodziać movu i sprabujuć apisać toje, što adbyvajecca ŭ śviecie, asabliva na pamiežnych terytoryjach — na skryžavańni kultur, kanfliktaŭ, kryzisaŭ, dyktatur i vajny.
Tema vystavy natchnionaja simvałam busła, prabitaha strałoj, jaki, niahledziačy na svaje rany, lacić z Afryki, kab naładzić hniazdo ŭ Jeŭropie. Vystava, jakaja anansuje kancepcyju fiestyvalu pa pradstaŭleńni sučasnaha mastactva, maje nazvu «I Am Pfeilstorch/ Ja jość praciaty busieł».
Siarod mastakoŭ, čyje pracy buduć pradstaŭleny: Bierhamot, Jura Šust, Nadzia Sajapina, Julija Ćviatkova, Roza Busieł, Lesia Pčołka, Daša Sazanovič, Tania Ličeŭskaja, Tytus Šabielski-Ružniak, Uład Bochan, Hanna Paniucič, Maryja Niemčanka Aržanič.
Fiestyval SAMASIEJ nazvu ŭziaŭad zahałoŭka ramana «Samasiej» Sakrata Janoviča, biełaruskaha i polskaha piśmieńnika z Padlašša. Ale heta nie prosta nazva, heta ŭ peŭnym sensie ideja i pryncyp — zdolnaść «samaraźvivacca» i «sama-siejać» (samadapamoha / samasiej / samazasiejvańnie), stvarać mastactva, jakoje źjaŭlajecca i kvitnieje navat u samych niespryjalnych umovach.
Fiestyval pravodzicca pad patranatam Rektara Biełastockaj palitechniki.
Što ŭ prahramie?
3 kastryčnika
- 17:00 adkryćcio / kancert: Olga Anna Markowska
- 19:00 ekskursija pa-biełarusku
4 kastryčnika
- 12:00 ekskursija pa-polsku
- 14:30 pakaz dakumientalnaha filma «Apošnija słovy» Ramana Šela (DE, BY)
- 17:00 razmova & majstar-kłas (Roza Busieł)
- 19:00 razmova (Uład Bochan)
5 kastryčnika
- 12:00 ekskursija pa-anhlijsku
- 14:00 razmova (Uładzimir Hramovič)
- 17:00 pakaz ekśpierymientalnaha dakumientalnaha filma «LAK» Maryi Niemčanka Aržanych
- 16:30 Mufer. Drone ambient live
-
Ultymatum Pucinu z łaźni i abmierkavańnie burhieraŭ. Novyja parodyi na Łukašenku rvuć instahram
-
Fiaduta: Praz toje, što knihi i rukapisy palać nie publična, jak u fašysckaj Hiermanii, a tajemna, režymy nie robiacca mienš fašysckimi
-
A što z Volhaj Niafiodavaj, jakuju ŭ kreśle mastackaha kiraŭnika Kupałaŭskaha zamianiŭ rasijanin?
Kamientary