«Hetaje rašeńnie dałosia mnie nialohka, ale ja razumieju tuju adkaznaść, jakuju niasu za los adnaho z klučavych prajektaŭ pa dapamozie palitźniavolenym i ich siemjam».
Były kiraŭnik fondu «Bajsoł» Andrej Stryžak paviedamiŭ, što pakidaje fond całkam.
Paśla skandału z rassyłkaj dykpikaŭ Stryžakom, u fondzie pačali raźbiralnictva. Kamisija, zaprošanaja razhladać situacyju, rekamiendavała fondu spynić supracu sa Stryžakom. Stryžak nie pahadziŭsia z rašeńniem. U «Bajsole» prahałasavali — bolšaść supracoŭnikaŭ vykazałasia za toje, kab Stryžak praciahnuŭ pracu. Fond abviaściŭ, što Stryžak budzie adchileny ad kiraŭničych i pradstaŭničych pasad, ale na paŭhoda jašče zastaniecca kansultantam u arhanizacyi. Paśla hetaha rašeńnia fond pakinuli try čałavieki, a «Bajsoł» vyklučyli ź Mižnarodnaha humanitarnaha fondu.
Ciapier Andrej Stryžak vystupiŭ u sacsietkach z novaj zajavaj.
«Ja pryniaŭ rašeńnie całkam spynić supracoŭnictva z fondam BYSOL.
Hetaje rašeńnie dałosia mnie nialohka, ale ja razumieju tuju adkaznaść, jakuju niasu za los adnaho z klučavych prajektaŭ pa dapamozie palitźniavolenym i ich siemjam. BYSOL pavinien praciahvać pracavać. Ja prykładu ŭsie namahańni, kab kamanda zmahła biez strat pieražyć kryzis. Spadziajusia, heta viernie davier da arhanizacyi ŭ biełarusaŭ i mižnarodnych partnioraŭ».
Stryžak dadaŭ, što arhanizacyja ŭžo pačała strukturnyja reformy, i jany buduć daviedzienyja da kanca.
Stryžak: Ja prosta haŭno, ja lažu na dnie samaj brudnaj kanavy i adtul sprabuju niešta skazać u svaju abaronu
Źmicier Jahoraŭ: «Bajsoł» źbirajecca i dalej vypłačvać pa 1000 jeŭra palitviaźniam
Andrej Stryžak zastaniecca ŭ «Bajsole», ale nie kiraŭnikom
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu
Kamientary