Ministerstva zamiežnych spraŭ Polščy rekamienduje ŭsim svaim hramadzianam terminova pakinuć Biełaruś i ŭstrymacca ad pajezdak tudy. Pra heta paviedamiŭ pres-sakratar MZS Polščy Pavieł Vroński padčas bryfinhu 5 vieraśnia.
Pryčyna — zatrymańnie ŭ Biełarusi katalickaha manacha z Polščy, jakoha miascovyja śpiecsłužby abvinavacili ŭ «špijanažy» padčas maštabnych rasijska-biełaruskich vučeńniaŭ «Zachad-2025».
4 vieraśnia ŭviečary pa biełaruskim telebačańni pakazali repartaž z kadrami aryštu abvinavačanaha. Zatrymany — Hžehaž Havieł, katalik z Krakava, jaki naležyć da ordena karmielitaŭ.
Pavieł Vroński adznačyŭ, što hetaja sprava vyhladaje jak śviadomaja pravakacyja Minska, meta jakoj — «jak destabilizacyja situacyi ŭ Polščy, tak i ŭmacavańnie svajho imidžu va Ukrainie. My nie chočam udzielničać u takim teatry».
Jon padkreśliŭ, što Biełaruś nie źjaŭlajecca ni demakratyčnaj dziaržavaj, ni siabroŭskaj krainaj dla Polščy, tamu palaki mohuć sutyknucca tam z surjoznymi prablemami.
MZS Polščy zapeŭniła, što budzie akazvać usiu nieabchodnuju dapamohu zatrymanamu hramadzianinu.
U svaju čarhu, Ministerstva zamiežnych spraŭ Biełarusi siońnia vyklikała časovaha pavieranaha ŭ spravach Polščy Kšyštafa Ažanu. Jamu pieradali rašučy pratest i ŭručyli adpaviednuju notu ŭ suviazi z tym, što polski hramadzianin Hžehaž Havieł nibyta ździejśniŭ akt špijanažu na terytoryi Biełarusi.
U MZS Biełarusi padkreślili, što takija dziejańni Varšavy nieprymalnyja, hruba parušajuć pryncypy dobrasusiedstva i nanosiać surjoznuju škodu dvuchbakovym adnosinam. Polskamu boku było zajaŭlena, što Minsk maje namier dać pravavuju acenku incydentu.
Taksama biełaruskija dypłamaty zapatrabavali ad Polščy «ŭstrymacca ad dziejańniaŭ, jakija nanosiać škodu nacyjanalnaj biaśpiecy Respubliki Biełaruś, i viarnucca ŭ rečyšča cyvilizavanaha dyjałohu dy ahulnapryniatych formaŭ miždziaržaŭnaj kamunikacyi».
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt3
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary