Nissan całkam źniščyŭ zadniuju častku Chevrolet. Niestandartnaja avaryja ŭ Minsku
Učora ranicaj na praśpiekcie Niezaležnaści va Uruččy adbyłasia avaryja, u jakoj udzielničali dva aŭto: Nissan i Chevrolet. Sutyknieńnie zdaryłasia ŭ dziŭnych abstavinach, piša Onliner.by.
Usio adbyłosia ŭ rajonie stancyi mietro «Uručča», aŭtamabili ruchalisia ŭ napramku vyjezdu z horada.
Nissan urezaŭsia ŭ Chevrolet u krajniaj pravaj pałasie, ale čamu? Adna ź viersij: Chevrolet moh značna zapavolicca abo navat spynicca.
— Chutčej za ŭsio, Chevrolet stajaŭ u pieršaj pałasie, bo, kali b jon jechaŭ pavolna, nie było b takich mocnych paškodžańniaŭ, — padzialiŭsia svaim mierkavańniem aŭtar videa. — U vyniku Nissan całkam źniščyŭ zadniuju častku Chevrolet. Usie žyvyja.
Adzin z čytačoŭ raspavioŭ, što byŭ śviedkam hetaj avaryi.
— Ja padniaŭsia z MKAD na praśpiekt Niezaležnaści śledam za hetym Nissan. Jon jechaŭ dziŭna, pa dvuch pałosach adrazu, i ja pryniaŭ rašeńnie jaho apiaredzić pa treciaj pałasie. Kali ja jaho abminuŭ, to ŭbačyŭ stajačy ŭ pieršaj pałasie Chevrolet. Nastupnyja padziei ja naziraŭ u lusterku zadniaha vidu: Nissan usio tak ža jechaŭ pa dvuch pałosach i, nie źnižajučy chutkaści, urezaŭsia ŭ Chevrolet, — śćviardžaje jon.
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary