Muzyka22

Chodzić lehienda, što Ozi Osbarn adkusiŭ hałavu žyvomu kažanu. A što ž adbyłosia nasamreč?

A byli jašče i dva hałuby! 

Ozi Osbarn. Fota: Dia Dipasupil/Getty Images

U varjackim śviecie rok-muzyki šakujučyja pavodziny, jak praviła, nie asudžajucca. Ich navat ličać amal što abaviazkovymi.

Kali ŭ hetym sensie i isnujuć niejkija miežy, dyk nichto nie pierachodziŭ ich tak časta, jak Džon Majkł Osbarn, bolš viadomy jak Ozi Osbarn, abo «Prync Ciemry», jaki pamior u aŭtorak va ŭzroście 76 hadoŭ, piša Bi-bi-si.

Takuju mianušku ciažka atrymać vypadkova. Ozi zasłužyŭ jaje ad prychilnikaŭ hurta Black Sabbath za svoj čorny, jak smol, sceničny vobraz i teksty piesień, u jakich było šmat spasyłak na akultyzm.

Ale toje, što Ozi zrabiŭ viečaram 20 studzienia 1982 hoda, kali hałava maleńkaha niaščasnaha kažana akazałasia adździelenaj ad cieła, było sapraŭdy varjactvam — navat pavodle vielmi svabodnych standartaŭ pavodzin muzykanta.

Hetaja padzieja ŭsio jašče aktyŭna abmiarkoŭvajecca mnohija dziesiacihodździ paźniej — i ličycca adnym z samych skandalnych momantaŭ u historyi chevi-mietału.

Adnak ź ciaham hadoŭ źjaŭlalisia roznyja teoryi pra toje, što mienavita adbyłosia tady na scenie.

Časam hetyja razychodžańni byli źviazanyja z tym, što nie ŭsie ludzi pamiatajuć padziei adnolkava. Ale čaściej za ŭsio taja ci inšaja viersija stanaviłasia bolš aktualnaj u zaležnaści ad nastroju samoha Ozi.

Adnak niekatoryja fakty nie vyklikajuć sumnievaŭ. U studzieni 1982 hoda išoŭ druhi miesiac nadzvyčaj aktyŭnaha kancertnaha tura, u jakim Ozi vykonvaŭ materyjał sa svajho druhoha solnaha alboma «Diary of a Madman»(«Dziońnik varjata»).

Padčas kancertaŭ śpiavak prydumaŭ asablivy rytuał — jon kidaŭ prosta ŭ publiku kavałki syroha miasa abo roznyja častki žyvioł, u tym liku kiški ci piečań.

Usio heta, viadoma, vyhladała davoli ahidna, ale ŭ niejkim sensie było zrazumieła — uličvajučy, što Ozi kaliści prachodziŭ praktyku na bojni.

Siarod fanataŭ chutka raspaŭsiudzilisia čutki pra toje, što adbyvajecca na kancertach — i tady jany pačali prajaŭlać značnuju vynachodlivaść. Prychilniki Ozi prychodzili na kožny kancert «uzbrojenymi» — i hatovymi da «adpaviednaha adkazu».

Tamu, kali padčas vystupleńnia ŭ zale Veterans Memorial Auditorium u amierykanskim horadzie De-Mojn (štat Ajova) na scenie apynułasia niešta maleńkaje i čornaje, Ozi vyrašyŭ, što heta humovaja cacka.

I tut jakraz i pačynajucca razychodžańni.

U svajoj aŭtabijahrafii, jakaja vyjšła ŭ 2010 hodzie, «I Am Ozzy» («Ja — Ozi») śpiavak uzhadvaje, što jon uźniaŭ hety pradmiet, zasunuŭ sabie ŭ rot i raskusiŭ.

«Ale tut ja adrazu zrazumieŭ, što niešta nie tak. Vielmi nie tak. Spačatku ŭ mianie rot chutka napoŭniŭsia niejkaj ciopłaj, lipkaj vadkaściu. A potym hałava ŭ maim rocie zdryhanułasia».

«Chtości kinuŭ kažana! Ja dumaŭ, što jana była humovaja. Uźniaŭ jaje i zasunuŭ u rot. I raskusiŭ», — praciahvaŭ Ozi. Ale potym jon zrazumieŭ, što adbyvajecca na samoj spravie: «Boža, jon ža sapraŭdny! Heta byŭ sapraŭdny žyvy kažan».

Adnak Ozi daloka nie zaŭsiody śćviardžaŭ, što žyvioła była žyvoj, kali akazałasia kala jahonych noh na scenie.

U 2006 hodzie ŭ intervju Bi-bi-si śpiavak raskazvaŭ tuju ž historyju ź nievialikimi, ale vielmi važnymi adroźnieńniami.

«Tut źjaŭlajecca hety kažan. Ja vyrašyŭ, što heta prosta takaja cacka, jakuju kuplajuć na Chełoŭin. Tamu što ŭ jaje vakoł šyi byli namotanyja niejkija nitki, — kazaŭ Ozi. — Ja ŭkusiŭ jaje, a potym pahladzieŭ naleva — i ŭbačyŭ, što Šeran [žonka i tahačasny mieniedžar muzyki] pakazvaje mnie [admoŭny žest]».

«Ja taki — pra što ty naohuł? A jana: «Heta sapraŭdny miortvy kažan». I ja taki: «Ja viedaju. Užo viedaju».

Dyk byŭ kažan miortvy ci ŭsio ž žyvy?

Pavodle źviestak vydańnia Des Moines Register, čałaviek pa imieni Mark Nił śćviardžaje, što žyviołu na kancert prynios mienavita jon. Tady jamu było 17 hadoŭ.

Viersija Marka vyhladaje tak: jaho małodšy brat prynios kažana dadomu prykładna za 10 dzion da vystupleńnia Ozi, ale, na jaho vialiki žal, da samoha kancerta jon nie dažyŭ. Pavodle słoŭ Marka, jon prynios na kancert žyviołu, jakaja na toj momant była ŭžo miortvaj niekalki dzion.

Uvohule ŭsie dastupnyja nam śviedčańni kažuć na karyść taho, što hetaja lehiendarnaja historyja, jakaja zaniała druhoje miesca ŭ śpisie «Samych žorstkich mifaŭ rok-muzyki» pavodle Rolling Stone, u asnoŭnym adpaviadaje rečaisnaści.

Nichto nie spračajecca z tym, što kažan sapraŭdy akazałasia ŭ rocie ŭ Ozi, ale zdajecca całkam vierahodnym, što na toj momant jon užo byŭ niežyvy — z čym pahadžaŭsia i sam śpiavak. Pa krajniaj miery, časam pahadžaŭsia.

A što ž tady možna skazać pra inšy incydent, jaki adbyŭsia prykładna za dzieviać miesiacaŭ da hetaha ŭ Łos-Andželesie i jaki žudasna nahadvaje padziei ŭ De-Mojnie?

Tut historyja paŭtarajecca: viersii adroźnivajucca ŭ zaležnaści ad taho, z kim na toj ci inšy momant razmaŭlaŭ Ozi. Ale asnoŭnyja fakty taksama ni ŭ kaho sumnieńniaŭ nie vyklikali.

U Ozi była pryznačanaja sustreča z hrupaj mieniedžaraŭ hukazapisvajučaj kampanii CBS u Łos-Andželesie, i Šeran vyrašyła, što śpiavak pryniasie tudy troch žyvych hałuboŭ.

Spačatku Ozi pavinien byŭ vystupić z karotkaj padziačnaj pramovaj, a potym vypuścić hałuboŭ — kab usie ŭbačyli, jak jany palaciać. Heta pavinna było stać simvałam miru.

Ale ŭ vyniku na sustrečy ŭsio pajšło nie tak.

Hałuby miru

Ozi ŭsiu ranicu piŭ brendzi, jak jon paźniej raspavioŭ piśmieńniku-bijohrafu Miku Uołu, jaho mocna pačała złavać supracoŭnica pijar-adździeła kampanii. Jak napisana ŭ knizie Uoła «Black Sabbath: Symptoms of the Universe» («Black Sabbath: simptomy Suśvietu»), Oźzi «dastaŭ adnaho z tych hałuboŭ i adkusiŭ jamu jaho hałavu — prosta kab jana narešcie zmaŭčała».

«Potym ja zrabiŭ toje ž samaje z nastupnym hołubam, — raspavioŭ śpiavak. — Jaho hałavu ja vyplunuŭ — prama na stoł. Tut jany mianie i vyšturchnuli. I skazali, što ja bolš nikoli nie zmahu pracavać z CBS».

Ale isnuje i krychu inšaja viersija hetaha incydentu, vykładzienaja Ozi ŭ intervju žurnalistu časopisa Sounds Harry Bušełu praź niekalki miesiacaŭ paśla samoj padziei.

«Prykoł u tym, što ptuška była miortvaja. My chacieli jaje vypuścić, ale jana da hetaha skanała. Dyk ja adkusiŭ joj hałavu — prosta kab jana nie prapała daremna».

«Ty b bačyŭ, jakija ŭ ich tady byli tvary! Jany prosta pabialeli. Prosta aniamieli».

Karol rok-liškaŭ

Viadoma ž, Ozi pavinien byŭ pavodzić siabie adpaviedna svajoj reputacyi. U rešcie rešt, heta byŭ čałaviek, jakoha zvolnili z Black Sabbath, bo navat pavodle astranamična ščodrych rok-standartaŭ jon zanadta pierabiraŭ z ałkaholem i narkotykami.

I chacia štuki z kažanom i hałubami (ščodra, praŭda, upryhožanyja) mnohim zdalisia dalokimi ad normaŭ džentlmienskich pavodzin, jany ŭmacavali reputacyju Ozi jak adnaho z hałoŭnych rok-chulihanaŭ.

Jany prymusili ludziej havaryć pra jaho — i dapamahli ŭźlotu jaho solnaj karjery, jakaja ŭ toj momant imkliva ŭźniałasia ŭvierch — amal jak kažan.

Navat kali Ozi i nie byŭ vinavaty va ŭsich śmiarotnych hrachach, jakija jamu prypisvali šmat hadoŭ, niama sumnievu, što ciaham žyćcia jon padymaŭsia na takija vyšyni (abo ž padaŭ tak nizka), pra jakija inšyja rok-zorki navat nie advažvalisia maryć.

Ozi Osbarna ličyli biezumoŭnym karalom rok-n-rolnych liškaŭ — i hetaja reputacyja zastavałasia ź im da samaha kanca.

Kamientary2

  • %
    24.07.2025
    Jon byŭ taki adziny i niepaŭtorny. Jon takim i zastaniecca - vialiki frantmen.
  • ???
    24.07.2025
    Čamu nie chočacie apublikavać kamientar datyčny pytańnia, čamu navat u artykule pra Ozi ŭ vas spasyłka na rasiejskamoŭnuju staronku?

Ciapier čytajuć

Cichanoŭski: Pryjechaŭ by i pacisnuŭ Trampu ruku18

Cichanoŭski: Pryjechaŭ by i pacisnuŭ Trampu ruku

Usie naviny →
Usie naviny

62-hadovuju namieśnicu dyrektara minskaj himnazii adpravili ŭ kałoniju za palityku12

Złučanyja Štaty mohuć skaracić kolkaść svaich vojskaŭ u Jeŭropie na 30%3

Šeleh: Biełaruskija leki ničym nie adroźnivajucca ad starych preparataŭ bujnych farmaceŭtyčnych kampanij3

Nastajaciel manastyra Šaaliń trapiŭ pad śledstva pa padazreńni ŭ rastratach i amaralnym ładzie žyćcia4

U Rečyckim rajonie ad udaru tokam zahinuli dvoje mužčyn

Ceny na šakaład ździŭlajuć13

Navumčyk pra niezaležnaść Biełarusi: Pucin nie zdolny mabilizavać nivodnaha biełarusa na vajnu — nacyjanalnyja aŭtanomii Rasii nie majuć i hetaha30

Muzykanty vydalajuć svaju muzyku sa Spotify, bo jon spansaruje kampaniju, jakaja vyrablaje tysiačy dronaŭ dla Ukrainy26

«Heta svojeasablivaje partniorstva». Tramp zaklučyŭ ździełku, pa jakoj krainy Jeŭropy abaviazany płacić taryf 15%8

bolš čytanych navin
bolš łajkanych navin

Cichanoŭski: Pryjechaŭ by i pacisnuŭ Trampu ruku18

Cichanoŭski: Pryjechaŭ by i pacisnuŭ Trampu ruku

Hałoŭnaje
Usie naviny →

Zaŭvaha:

 

 

 

 

Zakryć Paviedamić