U Homieli žančyna sprabavała adkupić muža ad milicyi, zaraz jaje samu čakaje sud
55-hadovaja hamialčanka vyklikała da siabie dadomu milicyju, a potym sprabavała padkupić adnaho z supracoŭnikaŭ, kab vyratavać muža. Padrabiaznaści hetaj niedarečnaj historyi «Biełcy» raskazali ŭ prakuratury Homiela.
U mai hetaha hoda da paru ŭ hości zajšoŭ kum. Mužčyny raźmiaścilisia na kuchni i pačali vypivać, žonka haspadara čas ad času padychodziła da stała.
Kali haspadar doma i kum dobra napilisia, žančyna paprasiła ich spynić zastolle i razyścisia, ale jaje prośbu praihnaravali. Tady jana vyklikała milicyju, kab ludzi ŭ formie vyhnali kuma z domu.
Na vyklik pryjechali dva supracoŭniki Čyhunačnaha RAUS. Haspadar na toj momant užo loh spać, ale jak tolki milicyjaniery zajšli ŭ dom, jon uskočyŭ i pačaŭ skandalić, łajaŭsia matam. Supracoŭniki niekalki razoŭ prasili jaho supakoicca — biezvynikova. Tady jaho zatrymali za niepadparadkavańnie i łajanku, vyvieli z domu prosta ŭ trusach i pasadzili ŭ słužbovy aŭtamabil.
Pakul milicyjaniery zajmalisia mužam, žonka sprabavała pierakanać ich adpuścić jaho. A kali jaje paprasili sabrać mužu rečy, žančyna zrabiła niečakanaje — pačała ŭhavorvać adnaho ź milicyjanieraŭ uziać chabar 100 dalaraŭ.
«U vyniku ŭsich traich zatrymali: kuma — za źjaŭleńnie ŭ pjanym vyhladzie ŭ hramadskim miescy, muža — za abrazu milicyi, a na žančynu zaviali kryminalnuju spravu za sprobu dać chabar słužbovaj asobie pry vykanańni słužbovych abaviazkaŭ. Joj pahražaje štraf, papraŭčyja raboty, aryšt abo navat pazbaŭleńnie voli na termin da piaci hadoŭ. Sprava ŭžo nakiravanaja ŭ sud», — paviedamiła pamočnica prakurora Homiela pa asablivych daručeńniach Maryja Puškar.
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć99
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć9
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary