Zaviaršyli rasśledavańnie pa spravie siekty «RPC — Carskaja impieryja»
Śledčy kamitet zaviaršyŭ rasśledavańnie kryminalnaj spravy suprać arhanizataraŭ i ŭdzielnikaŭ mižnarodnaj siekty, jakaja dziejničała pad nazvaj «Ruskaja pravasłaŭnaja carkva — Carskaja impieryja». Hetaje farmavańnie było pryznana «ekstremisckim».
Jak śćviardžajuć śledčyja, siektanty prapaviedavali stvareńnie niaisnaj dziaržavy «Tryadzinaja Ruś», zaklikali admaŭlacca ad dakumientaŭ, miedycynskaj dapamohi i suviazi z rodnymi. Ludziej zavablivali ŭ zakinutyja vioski, dzie prymušali žyć u paŭrazburanych damach. Ustupleńnie ŭ siektu adbyvaŭsia praz «achviaravańni» — hrošy, majomaść, navat nieruchomaść.
Kiraŭniki siekty prymušali viernikaŭ prysiahać na viernaść vydumanamu «impierataru», admaŭlali dziejnyja zakony i nibyta sprabavali zachapić funkcyi ŭłady.
Kiravańnie biełaruskaj jačejkaj viałosia zvonku: byŭ pryznačany samazvany «mitrapalit», jaki davaŭ rasparadžeńni, rychtavaŭ ahitacyjnyja materyjały, falšyvyja «malitvy» i raspaŭsiudžvaŭ «ekstremiscki» źmiest praź internet. Z maja 2023 hoda siektanty stvaryli sietku sajtaŭ dla viarboŭki novych členaŭ.
Metami siekty, jak śćviardžaje Śledčy kamitet, byli:
- raspalvańnie nacyjanalnaj i relihijnaj varožaści;
- varožaść da tradycyjnych chryścijanskich kaštoŭnaściaŭ;
- stvareńnie, zachoŭvańnie i raspaŭsiudžvańnie ekstremisckich materyjałaŭ.
Miescami dziejnaści siekty stali zakinutyja chaty ŭ Hrodzienskaj i Viciebskaj abłaściach, dzie pravodzilisia «abrady», a ŭdzielniki žyli niepadalok.
Pa vynikach rasśledavańnia piaci asobam vystavili abvinavačańni pavodle artykułaŭ Kryminalnaha kodeksa Respubliki Biełaruś:
- č. 1 art. 361-1 — stvareńnie i kiraŭnictva ekstremisckim farmavańniem;
- č. 2 art. 193 — kiraŭnictva relihijnaj arhanizacyjaj, jakaja parušaje pravy hramadzian;
- č.3 art. 130 — raspalvańnie nacyjanalnaj i relihijnaj varožaści.
5 kiraŭnikoŭ siekty źmieščanyja pad vartu, ale hałoŭny ź ich chavajecca za miažoj i abvieščany ŭ vyšuk.
Materyjały spravy Śledčy kamitet pieradaŭ u Hienieralnuju prakuraturu dla nakiravańnia ŭ sud.
U Biełaruś pratačyłasia novaja siekta z Rasii. Były zek zmušaje pastvu pradavać kvatery i vykidać dakumienty
Kiraŭnika siekty «RPC Carskaja impieryja» Zasimu-Ułasava aryštavali ŭ Rasii. Zatrymańni byli i ŭ Biełarusi
Siłaviki pierałavili lidaraŭ «pravasłaŭna-impierskaj» siekty. Budynki brali šturmam
Ci varta ličyć palitviaźniami zatrymanych «siektantaŭ-ekstremistaŭ»? Adkazvaje Leanid Sudalenka
Asudžany za «Hajun» da chimii brat Ihara Łosika ŭciok ź Biełarusi3
Asudžany za «Hajun» da chimii brat Ihara Łosika ŭciok ź Biełarusi
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1616
Kamientary