Minskaja mastačka Taćciana Karvaš, jakaja pracuje ź niejrasietkavymi technałohijami, stvaryła animacyjny rolik, dzie hieroi znakamitaha multfilma «Simpsany» hulajuć pa Breście, piša BG.Media.
U videa možna ŭbačyć Bresckuju krepaść, kaviarniu Paragraph, nabiarežnuju i inšyja viadomyja bresckija miaściny. Heta praciah papiaredniaha rolika mastački pra Minsk, dzie ŭ finale hieroi siadali na ciahnik «Minsk — Brest».
Videa stała virusnym i vyklikała roznyja vodhuki: ad zachapleńnia da abureńnia. Adna častka hledačoŭ była ŭ zachapleńni ad śviežaj idei, jaskravaści rolika i nastalhii pa «Simpsanach». Ludziam spadabałasia, jak znajomyja miescy vyhladajuć praz pryzmu pop-kultury.
Adnak byli i tyja, chto raskrytykavaŭ rolik. Niekatorym nie spadabałasia, što zachodnija piersanažy, maŭlaŭ, «nie padychodziać» da bresckaha kantekstu. Chtości paličyŭ, što heta «psavańnie kulturnaj prastory» ci navat «kaščunstva». Źjavilisia mierkavańni, što lepš było b vykarystać savieckich piersanažaŭ, naprykład, hierojaŭ z «Nu, pačakaj!» ci «Vožyka ŭ tumanie». Niekatoryja pabačyli ŭ roliku kamiercyjny padtekst i rekłamu kaviarni.
Tym nie mienš, niahledziačy na krytyku, pazityŭnych vodhukaŭ było bolš. Hledačam u cełym spadabalisia jakaść animacyi, uvaha da detalaŭ i aryhinalny padychod da pakazu horada praz znajomyja kulturnyja vobrazy. Asabliva acanili rolik prychilniki «Simpsanaŭ» i tyja, chto cikavicca ŠI-kantentam.
Hetych prafiesij nie zamienić štučny intelekt. Biełarusy mohuć lohka atrymać takuju adukacyju ŭ Jeŭropie
Iłan Mask zajaviŭ, što štučny intelekt užo siońnia razumniejšy za bolšaść ludziej
Kampanii, jakija spadziavalisia zekanomić na ŠI, ciapier vydatkoŭvajuć značnyja hrošy na vypraŭleńni
Zasnavany biełarusam startap vypuściŭ ŠI-braŭzier
Kamientary