U Minsku pabudujuć most, jaki złučyć Kamiennuju horku i Cimirazieva
Jaho daŭžynia budzie 400 mietraŭ.
Hienieralny dyrektar Minskbuda Alaksandr Cierachaŭ raskazaŭ pra ŭźviadzieńnie puciepravoda, jaki złučyć vulicy Ratamskuju (pierakryžavańnie ź Cimirazieva) i Kaleśnikava (rajon Kamiennaja horka — 3). Zakazčykam vystupaje «Hardarbud». Zaraz raspracoŭvajecca prajektnaja dakumientacyja, pišuć Minsk-naviny.
— Napeŭna, heta budzie adzin z samych mahutnych puciepravodaŭ u Minsku praciahłaściu kala 400 m. Kali ŭsio składziecca naležnym čynam, to budaŭnictva moža pačacca ŭ 2026 hodzie, — skazaŭ A. Cierachaŭ.
Jon dadaŭ, što budaŭnictva padziemnaha pierachodu na vuł. Arłoŭskaj praciahvajecca.
— Raboty ŭžo pačaty. Ich vykonvaje Minskmietrabud. Dla arhanizacyi heta nie pieršy taki abjekt. Raniej užo ŭzvodzili padobny pierachod praz prasp. Niezaležnaści pobač z «Pieršym nacyjanalnym handlovym domam». Jaho pradpryjemstva pabudavała, nie spyniajučy ruchu, tamu technałohija ŭžo adpracavanaja. Dumaju, što nijakich surjoznych ciažkaściaŭ, źviazanych z realizacyjaj prajekta, być nie pavinna, i ŭ chutkim časie haradžanie paradujucca novamu abjektu, — adznačyŭ A. Cierachaŭ.
Ciapier čytajuć
Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni9
Kamientary