Zhodna z pastanovaj Ministerstva antymanapolnaha rehulavańnia i handlu №50 ad 18 lipienia 2025 hoda, u krainie płanujecca pavieličeńnie taryfaŭ na pieravozku pasažyraŭ i bahažu čyhunačnym transpartam u miežach krainy. Pavyšeńnie składzie ŭ siarednim ad 5 da 15% — u zaležnaści ad vidu złučeńnia, paviedamlaje BiełTA.
Fota ilustracyjnaje
Na haradskich linijach taryfy pavyšajucca:
- na 20 kapiejek u miežach adnaho taryfnaha pojasa (naprykład, Minsk — Haradzišča);
- na 25 kapiejek u miežach dvuch pajasoŭ.
Na rehijanalnych i mižrehijanalnych linijach cana budzie zaležać ad adlehłaści, kłasa absłuhoŭvańnia (ekanom ci biznes), typu vahona i ruchomaha sastavu.
Prykłady pavyšeńnia:
- Minsk — Rudziensk (ekanom): +25 kapiejek;
- Minsk — Babrujsk (biznes): +55 kapiejek
- Minsk — Viciebsk (ekanom): płackart: +82 kapiejki; kupe: +1,13 rubla;
- Minsk — Homiel (biznes): vahon 2-ha kłasa: +1,20 rubla; 1-ha kłasa: +1,65 rubla.
U MARH nahadali, što apošniaje pavyšeńnie taryfaŭ było ŭ krasaviku 2024 hoda. Novyja ceny pačnuć dziejničać paśla aficyjnaha apublikavańnia pastanovy.
Biełaruskaja čyhunka niekalki ciahnikoŭ admienić, a ŭ inšych pamianiaje maršruty
Biełaruska raskazała, jak jechała na ciahniku z Adlera ŭ Minsk, jaki vymušany byŭ spynicca praz ataku dronaŭ
Miarkujučy pa pasažyrapatoku transpartu, nasielnictva Biełarusi z 2019-ha skaraciłasia, moža, navat na 1,2 miljona čałaviek
Illu Dubskaha ŭ kałonii prymusili samomu sabie lazom zrezać tatuiroŭku z Pahoniaj12
Kamientary