Pad Barysavam zabili druhoha miadźviedzia paśla adkryćcia palavańnia na ich
U Biełarusi zastrelili ŭžo druhoha miadźviedzia paśla taho, jak upieršyniu ŭ historyi niezaležnaj Biełarusi było dazvolena palavańnie na ich. Hetym razam žyviolinu zabili nočču 18 lipienia na pšaničnym poli ŭ Barysaŭskaj palaŭničaj haspadarcy, paviedamiła pres-słužba Biełaruskaha tavarystva palaŭničych i rybałovaŭ.
Palavańnie adbyvałasia z vyški, a ŭdzielničaŭ u im palaŭničy Andrej Rusanovič ź Minska, jaki atrymaŭ dazvoł praz rozyhryš, što prachodziŭ 15 lipienia. Raniej jon na miadźviedziaŭ nikoli nie palavaŭ.
U Biełarusi dazvoł na palavańnie na miadźviedzia možna atrymać albo praz łatarejny rozyhryš (z apłataj 500 rubloŭ), albo praz aŭkcyjon, dzie pačatkovaja cana pucioŭki składaje 2 tysiačy rubloŭ i moža pavyšacca.
Pieršaha miadźviedzia ŭ hetym palaŭničym siezonie zabili taksama 18 lipienia, ale ŭ Viciebskaj vobłaści.
Usiaho ŭ hetym siezonie palaŭničym dazvolena zastrelić da 20 miadźviedziaŭ. Kala 30% puciovak buduć pradavacca praz aŭkcyjony dla pavieličeńnia dachodaŭ palaŭničych haspadarak. Siezon palavańnia praciahniecca da 31 śniežnia.
U Biełarusi zabili pieršaha za doŭhi čas miadźviedzia
Upieršyniu ŭ niezaležnaj Biełarusi praviali palavańnie na miadźviedzia, achviar pakul niama
Šunievič z žonkaj nie vyjhrali prava na palavańnie na miadźviedzia. Konkurs pravodziła arhanizacyja Šunieviča
Na hetyja vychadnyja ŭpieršyniu za doŭhi čas u Biełarusi buduć palavać na miadźviedzia
Kamientary
U prošły raz miadźviedzia zabiŭ śpiecyjalist "Biełaviežskaj Puščy", ale ŭ Viciebskaj vobłaści.
Dla hetych psieŭdahierojaŭ svaju b Čornuju knihu. Praŭda, zaraz u ich typa "ŭsio pa zakonie".
Andrej Rusanovič ź Miensku - čałaviek z takimi imiom, proźviščam i miescam žycharstva - kolišni načalnik Salihorskaha RAUS i RAUS Mienskaha rajona, namieśnik načalnika UUS Mienskaha harvykankama. I samiec vidu Homo sapiens na fota ź levaha boku ŭ akularach i sa strelbaju vielmi mocna na taho karnika padobny.
Ciapier robicca całkam vidavočnym dla kaho Šunievič łabijavaŭ dazvoł na zabojstvy miadźviedziaŭ, niahledziačy na toje, što jany ŭklučanyja ŭ Čyrvonuju knihu.
[Zredahavana]