Uviečary 19 lipienia, prykładna z 18:00, rasijskaja sistema supraćpavietranaj abarony źbiła try drony kala Maskvy, pra što paviedamiŭ jaje mer Siarhiej Sabianin. Žychary padmaskoŭnaha Troicka taksama paviedamlali pra vybuchi i źbityja drony.
U suviazi z hetym Rasavijacyja ŭviała režym «Dyvan» — zabaronu na ŭźlot i pasadku cyvilnych samalotaŭ u aeraportach Damadziedava i Unukava. Raniej padobnyja abmiežavańni dziejničali i ŭ aeraporcie Kałuhi. U noč z 18 na 19 lipienia taksama časova zakryvali aeraport Šaramiećjeva.
Pa słovach Siarhieja Sabianina, minułaj nočču ŭ Padmaskoŭi źbili 13 ukrainskich bieśpiłotnikaŭ, stolki ž było nibyta źniščana i 18 lipienia, a jašče čatyry — u čaćvier. Ministerstva abarony RF paviedamlaje, što tolki za subotu rasijskaja SPA źniščyła 20 dronaŭ u rehijonie Maskvy. Za apošnija try dni nad rasijskaj stalicaj było nibyta źbita amal 50 bieśpiłotnikaŭ.
U vyniku hetych atak i zakryćcia aeraportaŭ uźnikli surjoznyja zatrymki rejsaŭ. Na hetym fonie Rasavijacyja pahražaje avijakampanii Turkish Airlines sankcyjami za toje, što pasažyry nie zmahli amal sutki vylecieć z Unukava ŭ turecki Bodrum.
Ataki ŭkrainskich BPŁA zakranuli i Rastoŭskuju vobłaść: abłomki drona paškodzili kantaktnuju sietku na adnoj z čyhunačnych linij, što spyniła ruch ciahnikoŭ.
Ciapier čytajuć
Žaleznaja zasłona ŭ dziejańni: jak źmienšyłasia kolkaść pierasiačeńniaŭ miažy Biełarusi i Jeŭrasajuza za apošnija hady11
Žaleznaja zasłona ŭ dziejańni: jak źmienšyłasia kolkaść pierasiačeńniaŭ miažy Biełarusi i Jeŭrasajuza za apošnija hady
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1111
Kamientary