Kniharnia ź biełaruskimi knihami ŭ Vilni, jakaja pieražyła patop, prosić dapamohi
Treba vyratavać knihi, jakija paciarpieli padčas niadaŭniaj zalevy va Užupisie.
Kramu zatapiła. Mnostva knih, u tym liku na biełaruskaj, ruskaj i ŭkrainskaj movach, namokli abo naohuł patanuli ŭ brudzie, paviedamlaje «Vołna».
Krama šukaje vałancioraŭ, achvotnych papraktykavacca ŭ adnaŭleńni knih. Siońnia da 22 hadziny možna zajści ŭ The Bookest World u pamiaškańni kaviarni Not only coffee va Užupisie (vuł. Užupio, 13). Spytajciesia ŭ barysty — jon padkaža, dzie lažać skryni z knihami na lačeńnie. U kožnaj kala 25 knih.
Knihi treba sfatahrafavać pa adnoj. Asobna vonkavuju vokładku i niekalki zdymkaŭ, kab možna było acanić stupień paškodžańnia. Potym treba bieražliva vysušyć knihi pavodle instrukcyi.
Jaje možna atrymać, napisaŭšy ŭ telehram @junipher abo na elektronnuju poštu [email protected]. Spatrebiacca biełyja papiarovyja ručniki abo tualetnaja papiera.
Suška zojmie niekalki dzion. Potym knihi treba znoŭ sfatahrafavać, skłaści ŭ skryniu i viarnuć u The Bookest World. Fotazdymki dasłać u telehram abo na elektronnuju poštu.
Ciapier čytajuć
U Minsku pieradumali znosić chruščoŭki. Renavacyja zakranie dvuch-trochpaviarchovyja damy1
Kamientary