Nacbank choča zabaranić u Biełarusi raźliki z dapamohaj kryptavalut
U Biełarusi płanujecca ŭnieści šerah źmianieńniaŭ u zakanadaŭstva, jakoje rehuluje dziejnaść, źviazanuju z kryptaaktyvami. Ab hetym raskazaŭ kiraŭnik Nacbanka Raman Hałoŭčanka padčas sustrečy sa svaim kaleham z Kazachstana Cimuram Sulejmienavym.
Pavodle słoŭ Hałoŭčanki, Biełaruś adnoj ź pieršych na postsavieckaj prastory sfarmiravała pravavoje pole dla pracy z kryptavalutami. I hety siehmient finansavaha rynku raście.
Pry hetym kryptavalutny biźnies užo vyras da takoha ŭzroŭniu, što moža akazvać upłyŭ na stabilnaść finansavaha rynku ŭ cełym. Tamu ŭ Nacbanku chočuć krychu adkarektavać zakanadaŭstva ŭ hetaj śfiery.
Jak havorycca ŭ paviedamleńni rehulatara, płanujecca «adnaznačna ŭstalavać zabaronu na vykarystańnie (kryptavalut) u jakaści srodku płaciažu, aptymizavać patrabavańni da profilnaha biźniesu, sfarmavać naležnyja miechanizmy abarony jaho klijentaŭ».
Pa sutnaści, i siońnia adzinym zakonnym płaciežnym srodkam u Biełarusi źjaŭlajecca biełaruski rubiel. Pry hetym fizičnyja asoby mohuć vałodać kryptavalutami, zachoŭvać ich na virtualnych kašalkach, zajmacca majninham, abmieńvać ich, kuplać i pradavać (praz PVT), a taksama daryć.
Akramia taho, subjektam haspadarańnia ŭ šerahu vypadkaŭ dazvolena vykarystoŭvać tokieny pry ažyćciaŭleńni raźlikaŭ pa źniešniehandlovych ździełkach.
Ciapier čytajuć
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior7
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary