Adziny avijanosiec Pucina mohuć śpisać na mietałałom paśla 7 hadoŭ ramontu
Minabarony Rasii moža admovicca ad adnaŭleńnia adzinaha avijanosca ŭ składzie rasijskaha fłotu — krejsiera «Admirał Kuźniacoŭ», jaki znachodzicca na ramoncie z 2018 hoda, paviedamiła «Iźviestijam» abaznanaja krynica.
Pavodle jaje danych, ramont i madernizacyja karabla na dadzieny momant prypynieny, a pytańnie pra jaho dalejšy los pavinna być vyrašana ŭ bližejšy čas. Pradstaŭniki Hałoŭnaha kamandavańnia Vajenna-marskoha fłotu (VMF) i Abjadnanaj sudnabudaŭničaj karparacyi (ASK), jakaja zajmałasia adnaŭleńniem krejsiera, ciapier abmiarkoŭvajuć, ci jość sens viartać avijanosiec u bajavy skład fłotu, adznačyŭ surazmoŭca vydańnia.
Były kamandujučy Cichaakijanskim fłotam admirał Siarhiej Avakijanc nazvaŭ admovu ad praciahnieńnia ramontnych prac «absalutna pravilnaj».
Na jaho dumku, rasijskamu fłotu «Admirał Kuźniacoŭ» nie patrebny navat u madernizavanym vyhladzie.
«Avijanosiec — heta ŭžo minułaja epocha. Heta vielmi darahoje i nieefiektyŭnaje marskoje ŭzbrajeńnie. Budučynia — za nośbitami rabatyzavanych kompleksaŭ i bieśpiłotnaj avijacyi. A «Admirał Kuźniacoŭ», kali budzie pryniata rašeńnie nie praciahvać ramont, zastajecca tolki ŭziać, razrezać na mietałałom i ŭtylizavać», — skazaŭ Avakijanc.
Kamientary