Адзіны авіяносец Пуціна могуць спісаць на металалом пасля 7 гадоў рамонту
Мінабароны Расіі можа адмовіцца ад аднаўлення адзінага авіяносца ў складзе расійскага флоту — крэйсера «Адмірал Кузняцоў», які знаходзіцца на рамонце з 2018 года, паведаміла «Известиям» абазнаная крыніца.
Паводле яе даных, рамонт і мадэрнізацыя карабля на дадзены момант прыпынены, а пытанне пра яго далейшы лёс павінна быць вырашана ў бліжэйшы час. Прадстаўнікі Галоўнага камандавання Ваенна-марскога флоту (ВМФ) і Аб’яднанай суднабудаўнічай карпарацыі (АСК), якая займалася аднаўленнем крэйсера, цяпер абмяркоўваюць, ці ёсць сэнс вяртаць авіяносец у баявы склад флоту, адзначыў суразмоўца выдання.
Былы камандуючы Ціхаакіянскім флотам адмірал Сяргей Авакіянц назваў адмову ад працягнення рамонтных прац «абсалютна правільнай».
На яго думку, расійскаму флоту «Адмірал Кузняцоў» не патрэбны нават у мадэрнізаваным выглядзе.
«Авіяносец — гэта ўжо мінулая эпоха. Гэта вельмі дарагое і неэфектыўнае марское ўзбраенне. Будучыня — за носьбітамі рабатызаваных комплексаў і беспілотнай авіяцыі. А «Адмірал Кузняцоў», калі будзе прынята рашэнне не працягваць рамонт, застаецца толькі ўзяць, разрэзаць на металалом і ўтылізаваць», — сказаў Авакіянц.
Спявачку Мэрыем Герасіменка на працягу двух гадоў збіваў муж43
Каментары