У каталіцкім санктуарыі ў Лагішыне Пінскага раёна завяршылася ўстаноўка аргана 2005 года пабудовы польскага майстра Багуміла Пахольскага. У свой час біскупу Казіміру Велікасельцу гэты інструмент перадаў цяперашні міністр замежных спраў Польшчы Радаслаў Сікорскі, піша выданне Katolik.life.
Як паведаміў на сваёй старонцы арганазнаўца Аляксандр Бурдзялёў, аўтар і мастацкі кіраўнік фестывалю Ars Magna Organi, які цяпер праходзіць у Беларусі, інструмент быў падораны міністрам замежных спраў Польшчы Радаславам Сікорскім біскупу Казіміру Велікасельцу для санктуарыя Маці Божай Лагішынскай Каралевы Палесся.
Гэта адбылося яшчэ ў 2018 годзе, але «складаныя абставіны 7 гадоў не дазвалялі польскім майстрам зрабіць мантаж гэтага інструмента, і ён увесь гэты час ляжаў у Лагішыне, аднак сёлета ўжо сіламі мясцовых вернікаў ён быў змантаваны», адзначыў Бурдзялёў, які быў кансультантам пры мантажы аргана.
Першапачаткова інструмент быў усталяваны ў гасцёўні дома Радаслава Сікорскага, а пасля быў падораны ім у Беларусь.
Урачыстае асвячэнне аргана адбудзецца 26 ліпеня, пасля чаго ў рамках арганнага фестывалю Ars Magna Organi на ім адбудзецца першы канцэрт.
Гэты інструмент — важны культурны набытак у маштабах краіны, падкрэсліў спецыяліст.
Раней паведамлялася, што ўсяго на тэрыторыі Беларусі налічвалася 123 арганы.
Сто гадоў таму святар-беларус трапіў у Польшчу па абмене палітвязнямі. Цяпер беларусы адшукалі яго магілу
«Можам і ў футбол пагуляць, і разам на шавуху схадзіць». Футбаліст са Слоніма, які стаў ксяндзом, расказаў пра сваё жыццё і прынцыпы
Пачаўся рамонт Чырвонага касцёла ў Мінску
Па Мінску прайшла працэсія з некалькіх тысяч чалавек
Пасол Венгрыі па-майстэрску сыграла на аргане ў касцёле ў Магілёве
«Калаўра мы не пакрыўдзілі»: стала вядома пра новае месца працы былога старшыні Нацбанка3
Каментары