Śpiecyjalny pradstaŭnik prezidenta ZŠA Kit Kiełah zajaviŭ, što mižnarodnyja partniory pavinny dapamahčy Ukrainie ŭ adnaŭleńni, zrabiŭšy dla jaje svoj «Płan Maršała».
Kiełah padkreśliŭ važnaść adnaŭleńnia Ukrainy. Jon zhadaŭ, jak paśla Druhoj suśvietnaj vajny ZŠA ŭviali Płan Maršała dla Jeŭropy, piša Ukrinfarm.
«I ja dumaju, my pavinny zrabić toje ž samaje dla Ukrainy», — skazaŭ śpiecpradstaŭnik, papiaredziŭšy, što heta budzie vielmi składanaja zadača.
Pa jaho acency, situacyja ciapier vielmi składanaja, tamu nieabchodna damahčysia spynieńnia ahniu.
Kiełah vysoka acaniŭ dziejańni prezidenta Ukrainy i jaho kamandy «za toje, jak razumna jany siabie pavodzili».
Na pierakanańnie dypłamata, spynieńnie ahniu sapraŭdy moža pryvieści da zaviaršeńnia hetaj vajny. «Mnie jak byłomu sałdatu ciažka zrazumieć uzrovień hvałtu, jaki ciapier vy nazirajecie va Ukrainie… Kali ty hublaješ bolš za miljon sałdat, heta zabojstva ŭ pramysłovych maštabach», — skazaŭ jon, dadaŭšy, što hinuć taksama mirnyja žychary, rujnujucca harady.
Dla paraŭnańnia hienierał u adstaŭcy zhadaŭ, što armija Złučanych Štataŭ vyjšła z Vjetnama, straciŭšy tam 68 tysiač sałdat. Jak padkreśliŭ Kiełah, tady ZŠA skazali: «Stop! Prosta spyniciesia!»
I ciapier ukraincy pahadzilisia na spynieńnie ahniu, ale heta była adnabakovaja zhoda, kanstatavaŭ jon.
Śpiecyjalny pradstaŭnik prezidenta ZŠA asabliva akcentavaŭ uvahu na temie viartańnia ŭkrainskich dziaciej. Donald Tramp, pa jaho słovach, pierajmajecca hetaj prablemaj.
Kiełah źviarnuŭsia da ŭkrainskich vajskoŭcaŭ, jakija byli prysutnyja ŭ zale: «Toje, što vy robicie siońnia, zaŭtra stanie lehiendaj».
Uładzimir Zialenski abmierkavaŭ z Kitam Kiełaham pryjarytety abaronnaha supracoŭnictva, u tym liku pastaŭki ŭzbrajeńniaŭ, umacavańnie SPA i nieabchodnaść uzmacnieńnia sankcyjnaha cisku na Rasiju.
Ciapier čytajuć
ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»24
ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary