Sabalenka vyjšła ŭ paŭfinał Uimbłdona, ledź nie asaromiŭšysia ŭ matčy sa 104-j rakietkaj śvietu
Pieršaja rakietka płaniety prabiłasia ŭ paŭfinał Uimbłdona treci raz u karjery.
Biełaruskaja tenisistka Aryna Sabalenka vyjšła ŭ paŭfinał Uimbłdonskaha turniru — treciaha ŭ siezonie turniru Vialikaha šlema. U čverćfinale pieršaja rakietka śvietu sustrakałasia z 37-hadovaj niemkaj Łaŭraj Zihiemund.
Pieramoha nad 104-m numaram rejtynhu dałasia 27-hadovaj Sabalency vielmi niaprosta. Biełaruska prajhrała pieršy set ź likam 4:6, ale zatym vypraviłasia ŭ druhoj partyi — 6:2. U vyrašalnym secie Sabalenka dvojčy prajhravała svaju padaču, ale ŭ vyniku viarnuła abiedźvie partyi i vyjhrała ź likam 6:4.
Biełaruska vyjšła ŭ paŭfinał Uimbłdona treci raz u karjery. Cikava, što ŭ finale jana pakul nie hulała ni razu, u adroźnieńnie ad troch inšych mejdžaraŭ.
Nastupnaj sapiernicaj Sabalenki stanie albo amierykanka Amanda Anisimava (12-y numar rejtynhu), albo rasijanka Anastasija Paŭlučenkava (50).
Pa vynikach Uimbłdona Sabalenka ŭžo dakładna stanie druhoj u historyi tenisistkaj, jakaja nabrała bolš za 12000 rejtynhavych bałaŭ.
Kamientary