Spraścili praviły budaŭnictva abjektaŭ, pryznanych važnymi dla rehijonaŭ
Ciapier miascovyja orhany ŭłady — abłvykankamy i Minharvykankam — mohuć, pa ŭzhadnieńni z uradam, samastojna vyznačać asablivaści prajektavańnia i budaŭnictva pieršačarhovych dla ich abjektaŭ. Adpaviedny ŭkaz padpisaŭ Alaksandr Łukašenka.
Naprykład, miascovym orhanam ułady dazvolena adnačasova raspracoŭvać prajektnuju dakumientacyju i vieści budaŭničyja raboty, a taksama sumiaščać etapy vybaru miesca dla budaŭnictva, daśledčyja raboty i raspracoŭku prajekta.
Akramia taho, ukaz dazvalaje nie kampiensavać straty sielskaj i lasnoj haspadarki pry vydzialeńni ziamli pad budaŭnictva, a znos zialonych nasadžeńniaŭ možna ŭzhadniać biez vypłaty kampiensacyj.
Dazvalajecca taksama zakuplać usio nieabchodnaje dla budaŭnictva (prajekty, tavary, raboty ci pasłuhi) u adnaho pastaŭščyka biez praviadzieńnia konkursaŭ.
Miascovyja saviety deputataŭ zmohuć sami vyrašać, ci patrebnyja hramadskija abmierkavańni pa kankretnych prajektach.
Taksama ŭkaz uvodzić piersanalnuju adkaznaść čynoŭnikaŭ za nienaležnaje vykanańnie hetych novych paŭnamoctvaŭ.
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary