U Homielskim kłubie adzinaborstvaŭ mužčyna kraŭ hrošy ŭ dziaciej. Treniery jaho znajšli i prymusili vybačacca na kamieru
Mužčyna patłumačyŭ, što byŭ pjany i nie razumieŭ, što robić. Znajšli jaho zusim vypadkova.
U Homielskim kłubie adzinaborstvaŭ niećviarozy mužčyna kraŭ u dziaciej hrošy. Padčas zaniatkaŭ jon zajšoŭ u pieraapranalni i pačaŭ šukać pa zaplečnikach.
Rabiŭ heta złodziej prosta pad kamieraj nazirańnia. Kłub lionclub.by apublikavaŭ zapis z kamiery ŭ TikTok i paprasiŭ hamielčukoŭ paviedamić, kali jany raptam sustrenuć hetaha mužčynu.
"Vnimanije! Včiera v dietskom kłubie «Lion» (dziudo, 17-j mikrorajon, Homiel) nieiźviestnyj mužčina pochiŝał ličnyje vieŝi dietiej. Jeśli vy uznajotie etoho čiełovieka ili znajetie, hdie on nachoditsia, prośba śviazaťsia s administracijej kłuba po tielefonu: +375 (29) 639-39-79. Pomohitie najti vora!"
Ale dapamoha ŭ vyniku nie spatrebiłasia. Kiraŭnik škoły adzinaborstvaŭ zusim vypadkova sutyknuŭsia sa złodziejem na vulicy, pišuć «Silnyje Novosti».
«Vypadkova sutyknuŭsia ź im na vulicy — paznaŭ pa biejsbołcy i futbołcy, pryhledzieŭsia i zrazumieŭ, što heta jon. Prosta padyšoŭ i ŭziaŭ za plačo, spytaŭ, navošta jon tak zrabiŭ. Jon nie staŭ uciakać», — raspavioŭ mieniedžar kłuba.
Z mužčynam praviali prafiłaktyčnuju hutarku i prymusili paprasić prabačeńnia pierad dziećmi na kamieru. Videa z prabačeńniami kłub taksama apublikavaŭ u TikTok.
«Dzieci, darujcie mnie, kali łaska. Ja ździejśniŭ vielmi drenny ŭčynak, prašu prabačeńnia… Toje, što tak zrabiŭ — byŭ mocna pjany, takoje nikoli nie zdiejśniŭ by…» — kaža mužčyna ŭ biejsbołcy.
Paśla hetaha mužčynu pieradali milicyjanieram.
Ciapier čytajuć
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni3
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier33
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier3
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary