Z 1 lipienia ŭsie sacyjalnyja vypłaty pieraličvajuć tolki na bazavy rachunak
Z 1 lipienia sacyjalnyja vypłaty pieraličvajucca tolki na bazavy rachunak. Pra heta nahadali ŭ pres-słužbie Ministerstva pracy i sacyjalnaj abarony
Na bazavy rachunak buduć pieravodzicca piensii, dapamohi na dziaciej (kali jany vypłačvajucca praz sacabaronu, a nie praz pracu), dapamoha pa biespracoŭi, dziaržaŭnaja adrasnaja sacyjalnaja dapamoha, dapamoha pa dohladzie invalida I hrupy abo asoby starej za 80 hadoŭ, vypłaty tym, chto dahladaje ŭ zamiaščalnych siemjach, vypłaty na dvajniat i materyjalnaja dapamoha da škoły.
Bazavy rachunak nie patrebny tym atrymalnikam, jakija atrymlivajuć vypłaty praz poštu. Da ich adnosiacca invalidy, piensijaniery, što pražyvajuć u sielskaj miascovaści, hramadzianie starej za 70 hadoŭ, asoby z abmiežavanaj zdolnaściu da pieramiaščeńnia (funkcyjanalny kłas 3 i vyšej), baćki, jakija dahladajuć za dziciom-invalidam da 18 hadoŭ i atrymlivajuć dapamohu pa dohladzie, a taksama atrymalniki dapamoh na dziaciej praz pracu abo vučobu, asoby bieź vidu na žycharstva (zamiežniki z dazvołam na časovaje pražyvańnie) i atrymalniki dapamoh na pachavańnie.
U Minpracy taksama nahadali, što bazavy rachunak — heta biaspłatny bankaŭski rachunak u biełaruskich rublach, pa jakim nie spahaniajecca płata za zaličeńnie i źniaćcie hrašovych srodkaŭ, a taksama za apłatu tavaraŭ i pasłuh praz ARIP i inšyja bazavyja apieracyi. Takim čynam, dziaržava daje hramadzianam mahčymaść atrymać bazavy sacyjalny standart biaspłatnaha płaciežnaha absłuhoŭvańnia.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary