З 1 ліпеня ўсе сацыяльныя выплаты пералічваюць толькі на базавы рахунак
З 1 ліпеня сацыяльныя выплаты пералічваюцца толькі на базавы рахунак. Пра гэта нагадалі ў прэс-службе Міністэрства працы і сацыяльнай абароны
На базавы рахунак будуць пераводзіцца пенсіі, дапамогі на дзяцей (калі яны выплачваюцца праз сацабарону, а не праз працу), дапамога па беспрацоўі, дзяржаўная адрасная сацыяльная дапамога, дапамога па доглядзе інваліда I групы або асобы старэй за 80 гадоў, выплаты тым, хто даглядае ў замяшчальных сем’ях, выплаты на двайнят і матэрыяльная дапамога да школы.
Базавы рахунак не патрэбны тым атрымальнікам, якія атрымліваюць выплаты праз пошту. Да іх адносяцца інваліды, пенсіянеры, што пражываюць у сельскай мясцовасці, грамадзяне старэй за 70 гадоў, асобы з абмежаванай здольнасцю да перамяшчэння (функцыянальны клас 3 і вышэй), бацькі, якія даглядаюць за дзіцём-інвалідам да 18 гадоў і атрымліваюць дапамогу па доглядзе, а таксама атрымальнікі дапамог на дзяцей праз працу або вучобу, асобы без віду на жыхарства (замежнікі з дазволам на часовае пражыванне) і атрымальнікі дапамог на пахаванне.
У Мінпрацы таксама нагадалі, што базавы рахунак — гэта бясплатны банкаўскі рахунак у беларускіх рублях, па якім не спаганяецца плата за залічэнне і зняцце грашовых сродкаў, а таксама за аплату тавараў і паслуг праз АРІП і іншыя базавыя аперацыі. Такім чынам, дзяржава дае грамадзянам магчымасць атрымаць базавы сацыяльны стандарт бясплатнага плацежнага абслугоўвання.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым8
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары