Deni Vilnioŭ stanie aŭtaram nastupnaha filma pra ahienta 007, paviedamiła Amazon MGM Studios. Vilnioŭ taksama vystupić u jakaści vykanaŭčaha pradziusara.
«Niekatoryja z maich samych rańnich uspaminaŭ pra pachody ŭ kino źviazany z 007. Ja vyras, hledziačy filmy pra Džejmsa Bonda z baćkam. Ja jary prychilnik Bonda. Dla mianie jon — śviataja terytoryja», — skazaŭ Vilnioŭ.
«Heta vielizarnaja adkaznaść, ale taksama nievierahodna chvalujuča dla mianie i vialiki honar. Emi, Devid (inšyja pradziusary karciny) i ja ŭ poŭnym zachapleńni ad taho, što znoŭ viartajem jaho na ekrany. Dziakuj Amazon MGM Studios za davier».
Majk Chopkins, kiraŭnik Prime Video i Amazon MGM Studios, dadaŭ: «My hanarymsia tym, što Deni pahadziŭsia źniać nastupnuju hłavu pra Džejmsa Bonda. Jon majstar kiniematohrafa, čyja filmahrafija havoryć sama za siabie. Ad «Taho, chto biažyć pa lozie 2049» da «Prybyćcia» i filmaŭ «Dziuna» jon stvaryŭ zachaplalnyja śviety, dynamičnyja vizualnyja efiekty, składanych piersanažaŭ i, što samaje važnaje, zachaplalnaje apaviadańnie, jakoje hledačy pa ŭsim śviecie prahnuć ubačyć u kinateatrach».
Apošni film Vilniova — «Dziuna: Častka 2», jon taksama viadomy pa karcinach «Prybyćcio», «Pałanianki», «Pažary».
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»25
Kamientary