Dačka Umara Džabraiłava nie vieryć u samazabojstva baćki. Jana źviazvaje jaho śmierć sa spravaj Epštejna
«Jaho prymusili zamaŭčać».
Dačka Umara Džabraiłava zajaviła, što jaje baćka nie skončyŭ žyćcio samahubstvam. Pavodle słoŭ Alviny, jaho «prymusili zamaŭčać praz datyčnaść da spravy Epštejna i Trampa», piša Mash.
Džabraiłaŭ byŭ adnym z samych aŭtarytetnych čačencaŭ u rasijskim hramadskim žyćci.
U 2000 hodzie jon navat bałatavaŭsia ŭ prezidenty Rasii. U rozny čas u jaho byli ramany z Naomi Kempbieł i Ksienijaj Sabčak, jon zhadvaŭsia ŭ śpisach Epštejna.
Eks-sienatar pierapisvaŭsia z pamočnicaj finansista Hiślejn Makśvieł i abmiarkoŭvaŭ sustrečy ź joj. U źlitych fajłach znajšli fota Džabraiłava — na im biznesmien zajmaŭsia karate. Sam Džabraiłaŭ zajaŭlaŭ, što nie pamiataje, dzie i kali jano zroblena.
Byłoha sienatara ŭ ciažkim stanie znajšli ŭnačy ŭ Maskvie, u apartamientach na Ćviarskoj, pobač byŭ pistalet Luger.
Jon nie pakinuŭ pieradśmiarotnaj zapiski, pierš čym skončyć žyćcio samahubstvam.
Džabraiłavu było 68 hadoŭ. Jon byŭ členam «Adzinaj Rasii» da 2017 hoda. 5 śniežnia 2017 hoda Džabraiłaŭ byŭ vyklučany z partyi «ŭ adpaviednaści z punktam statuta partyi za dziejańni, jakija dyskredytujuć partyju i nanosiać škodu jaje palityčnym intaresam». U červieni 2017 hoda jaho zatrymali za chulihanstva. U žniŭni 2017 hoda ŭ svaim numary adkryŭ ahoń z uznaharodnaha pistaleta. U 2020 hodzie ŭ jaho ŭžo była sproba samahubstva.
Papiarednie, jaho pachavajuć zaŭtra ŭ Čačni.
Alvina Džabraiłava — mastačka, jana žyvie ŭ Manaka i zajmajecca tvorčaściu.
-
Pašynian prahałasavaŭ na parłamienckich vybarach u Armienii. Jon zajaviŭ, što nijakaj napružanaści z Rasijaj niama, a šlach da ES praciahniecca
-
Kiraŭnik MZS Ukrainy: Rasii ŭsio adno daviadziecca skončyć vajnu dypłamatyčnym šlacham, ale ŭmovy buduć horšyja
-
Kitaj abviaściŭ pra śpiecyjalnuju vajenna-marskuju apieracyju pablizu Tajvania
Ciapier čytajuć
«Ni tady, ni siońnia ja nie liču, što zrabiŭ štości kiepskaje». Dziadok ščyra raskazaŭ pra byłyja adnosiny z 16‑hadovaj dziaŭčynaj20
Kamientary