Nacyjanalny bank Biełarusi apublikavaŭ źviestki pra finansavuju situacyju na 1 červienia 2025 hoda. Pavodle danych rehulatara, šyrokaja hrašovaja masa dasiahnuła 90,96 miljarda rubloŭ, što na 2,5% bolš, čym u pačatku maja. Heta aznačaje, što paśla nievialikaha źnižeńnia ŭ krasaviku pakazčyk znoŭ pačaŭ raści, piša Myfin.by.
Asnoŭnyja źmieny:
- Najaŭnyja hrošy ŭ abarocie vyraśli na 367,1 miljona rubloŭ i skłali 12,74 miljarda rubloŭ (+2,5%);
- Hrašovy ahrehat skłaŭ 28,92 miljarda rubloŭ (+2,4%);
- Nacyjanalnaja hrašovaja masa vyrasła da 54,77 miljarda rubloŭ (+4,6%);
- Rublovaja hrašovaja masa dasiahnuła 57,01 miljarda rubloŭ (+4,2%).
Šyrokaja hrašovaja masa — heta pakazčyk, jaki ŭličvaje ŭsie formy hrošaj u ekanomicy: hatoŭku, najaŭnyja srodki, terminovyja ŭkłady, inviestycyi ŭ kaštoŭnyja mietały i kaštoŭnyja papiery (akramia akcyj).
Taksama ŭ Biełarusi nazirajecca rost valutnych układaŭ:
- Ahulny abjom układaŭ u zamiežnaj valucie pavialičyŭsia na $174,3 miljona — da $11,22 miljarda (+1,6%);
- Depazity fizičnych asob — rost na $33,8 miljona, da $4,9 miljarda;
- Depazity jurydyčnych asob — rost na $140,5 miljona, da $6,32 miljarda.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary