Minzdaroŭja baicca, što pakistancy pryviazuć u Biełaruś lichamanki Krym-Konha i Čykunhuńja
Unutranyja dakumienty, što akazalisia ŭ rasparadžeńni «Biełpoła», śviedčać ab tym, što Ministerstva achovy zdaroŭja aficyjna prainfarmavała administracyju Łukašenki ab ryzykach i prablemach, źviazanych z pryciahnieńniem pracoŭnych mihrantaŭ z Pakistana.
U pryvatnaści, namieśnik ministra achovy zdaroŭja, hałoŭny dziaržaŭny sanitarny doktar Biełarusi S. Niačaj nakiravaŭ u Administracyju analityčnuju zapisku, u jakoj pieraličany vysokija epidemijałahičnyja ryzyki u suviazi z płanavanym masavym ujezdam hramadzian Pakistana ŭ našu krainu.
Zhodna z zaklučeńniem, isnuje vierahodnaść zavozu na terytoryju Biełarusi nastupnych zachvorvańniaŭ:
- palijamielit;
- brušny tyf;
- adzior;
- chalera;
- malaryja;
- lichamanka Denhie;
- lichamanka Krym-Konha;
- lichamanka Čykunhuńja.
U jakaści previentyŭnych mieraŭ Minzdaroŭja prapanuje abaviazkovaje praviadzieńnie łabaratornych daśledavańniaŭ i vakcynacyi mihrantaŭ za košt dziaržaŭnaha biudžetu, što praduhledžana ŭ miežach ukaza Łukašenki ad 21 maja 2025 hoda № 202 «Ab pavyšeńni roli najmalnikaŭ u śfiery źniešniaj pracoŭnaj mihracyi».
«Biełpoł» zaznačaje, što miedycynski ahlad i vakcynacyja adnaho pracoŭnaha mihranta abydziecca biudžetu ŭ 460 rubloŭ. Takim čynam, pry pryciahnieńni zajaŭlenaj kolkaści mihrantaŭ (150 000 čałaviek), sukupnyja dziaržaŭnyja vydatki składuć 69 miljonaŭ rubloŭ.
Da hetaj sumy nieabchodna jašče dadać 300 tysiač rubloŭ dla zakupki vakcyny suprać adru ŭ Rasijskaj Fiederacyi.
Nahadajem. što raniej Łukašenka kazaŭ pra płany zaprasić u Biełaruś da 150 tysiač mihrantaŭ z Pakistana.
-
Asudžanuju na dzieviać z pałovaj hadoŭ Alenu Łazarčyk nakiravali ŭ PKT na šeść miesiacaŭ
-
Kiraŭnik MZS Litvy: Pakul Biełaruś dapamahaje Rasii, padstavaŭ dla skasavańnia sankcyjaŭ niama
-
Nazyvali «pietušarami», źbili nahami ŭ prybiralni. Udzielnik razahnanaha fiestyvalu pad Rasonami raskazaŭ, jak heta było
Ciapier čytajuć
Brat Koli Łukašenki buduje farmaceŭtyčny kompleks za $10 miljonaŭ3
Brat Koli Łukašenki buduje farmaceŭtyčny kompleks za $10 miljonaŭ
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna99
Kamientary
Adtul .....