DAI budzie vykarystoŭvać novyja kamiery ŭ Minsku — dla kantrolu spynieńnia i stajanki
Asnoŭny akcent budzie zrobleny na centralnaj častcy horada i vulicach, dzie parušeńni praviłaŭ spynieńnia i stajanki stvarajuć pieradumovy dla DTZ.
Siońnia ŭviedzieny ŭ ekspłuatacyju aparatna-prahramny kompleks, jaki ŭ aŭtamatyčnym režymie vyjaŭlaje i fiksuje parušeńni praviłaŭ spynieńnia i stajanki, paviedamili ŭ HUUS Minharvykankama.
Asnoŭny akcent budzie zrobleny na centralnaj častcy horada i vulicach, dzie parušeńni praviłaŭ spynieńnia i stajanki stvarajuć pieradumovy da ździajśnieńnia DTZ.
«Pastanova ab fiksacyi pravaparušeńnia budzie nakiroŭvacca ŭłaśniku transpartnaha srodku pa adrasie jaho rehistracyi», — adznačyli ŭ HUUS.
Jak patłumačyli ŭ HUUS, kompleks pracuje pa śpiecyjalnych maršrutach.
«Prahramna-aparatny kompleks pracuje ŭžo pa zahadzia zadadzienych i ŭniesienych u jaho zonach kantrolu, jakija ŭziaty z zaćvierdžanych supracoŭnikami Dziaržaŭtainśpiekcyi pašpartoŭ zony kantrolu. U hetych pašpartach adlustroŭvajucca asnoŭnyja paramietry kantrolu: heta punkt, zona kantrolu, jaje pačatak i jaje kaniec, i jakija charakternyja ŭčastki infrastruktury jość na ŭčastku zony kantrolu. Kali aŭtamabil užo ŭjazdžaje ŭ zonu kantrolu, niepasredna ŭ jaje pačatak, na manitory vyśviečvajecca simvał, jaki adlustroŭvaje pačatak zony kantrolu. I ŭžo ŭ aŭtamatyčnym režymie transpartnyja srodki, što stajać z parušeńniem praviłaŭ darožnaha ruchu, fiksujucca ŭ ahulnym płanie i raspaznajecca ich rehistracyjny znak.
U momant fiksacyi transpartnaha srodku i raspaznavańnia jaho rehistracyjnych znakaŭ adrazu ž vyznačajucca jaho kaardynaty, raźmiaščeńnie mienavita na ŭčastku zony kantrolu. I ŭžo takim sposabam, prajazdžajučy ź intervałam u piać chvilin, transpartny srodak fiksuje adzin i toj ža transpartny srodak, jaki staić z parušeńniem praviłaŭ darožnaha ruchu, vyznačajučy takim čynam, pa jaho kaardynatach, što jon nie ruchaŭsia i staić z parušeńniem PDR, heta značyć u častcy, jakaja datyčycca prypynku transpartnaha srodku nie mienš za piać chvilin», — havorycca ŭ paviedamleńni DAI.
-
Ahient Dudkin raskazaŭ, jakija ahienty samyja niebiaśpiečnyja. Spojler: nie jon
-
Jak 23-hadovy chłopiec z homielskaj vioski źbiraje sotni miljonaŭ prahladaŭ na kaskadziorskich trukach i maje kantrakt z Red Bull
-
Za chabary zatrymali rabotnika bujnoha dziaržpradryjemstva. Jahonaha pradcieču taksama łavili na chabary
Kamientary