Jon vykonvaŭ u Sumskaj vobłaści vałanciorskuju misiju.
U Sumskaj vobłaści Ukrainy, dzie ŭ apošnija tydni nastupajuć rasijskija vajskoŭcy, 8 červienia zahinuŭ salist Adeskaj nacyjanalnaj opiery, zasłužany artyst Ukrainy Uładzisłaŭ Haraj. Jon vykonvaŭ u Sumskaj vobłaści vałanciorskuju misiju — havorycca na sajcie opiery. Padrabiaznaści ab akaličnaściach hibieli artysta nie pryvodziacca.
«Hołas Uładzisłava Vikienćjeviča viedaŭ uvieś śviet, a serca naležała Ukrainie. Uładzisłaŭ byŭ nie tolki talentam sceny — jon byŭ prykładam siły, hodnaści i dabryni ŭ žyćci. Navat u samyja zmročnyja časy nie zastavaŭsia ŭbaku — dapamahaŭ, vałancioryŭ, padtrymlivaŭ», — havorycca ŭ paviedamleńni. Zahinułaha Uładzisłava Haraja ŭ im nazvali tenaram suśvietnaha ŭzroŭniu.
Haraj byŭ členam opiernaj trupy Adeskaha nacyjanalnaha akademičnaha teatra opiery i baleta z 1993 hoda. Jon byŭ łaŭreatam premii nacyjanalnaha konkursu kamiernaj muzyki ŭ Chmialnickim, łaŭreatam premii Mižnarodnaha konkursu vakalistaŭ imia Antanina Dvoržaka (Karłavy Vary, Čechija). U 2013 hodzie atrymaŭ hanarovaje zvańnie Zasłužanaha artysta Ukrainy. U repiertuary śpievaka było bolš za dvaccać opiernych partyj, u tym liku Almaviva («Sievilski cyrulnik»), Hiercah («Ryhaleta»), Alfred («Travijata») i inšyja. U sacsietkach śpievaka šerah publikacyj pryśviečany zboru srodkaŭ dla ŭkrainskich vajskoŭcaŭ.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»4
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary