Siarhiej Bulba nazvaŭ rospusk «Paspalitaha rušeńnia» «hłybinnym pierafarmatam»
Kiraŭnik «Paspalitaha rušeńnia» Siarhiej Bulba prakamientavaŭ telekanału «Biełsat» paviedamleńnie pra zakryćcio arhanizacyi.
Bulba nazvaŭ rašeńnie ab likvidaćji «ahulnym rašeńniem kamandziraŭ» i akreśliŭ jaho jak «hłybinny pierafarmat».
«Dośvied pakazaŭ, što vypadkovyja dla biełaruskaha ruchu ludzi mohuć dobra hučać jak dapaŭnieńnie da kaściaka, ale kaściak utvaryć jany nie zdolnyja. Ciapier i zastalisia samyja addanyja spravie. To na hety stryžań i budziem naroščvać arhanizacyi z narmalnymi, u tym liku maralnymi, pryncypami», — śćviardžaje jon.
Da «vypadkovych ludziej» Bulba adnosić udzielnika «Paspalitaha rušeńnia» 37-hadovaha Andreja Buržynskaha, jaki ŭčyniŭ DTZ u Varšavie, uciakajučy ad palicejskaj pahoni. Prytym za rulom mužčyna byŭ u stanie narkatyčnaha apjanieńnia, a doma ŭ jaho znašli 3 kiłahramy roznych narkotykaŭ.
Panarakaŭšy, što «nie ŭsie zdolnyja pracavać na Biełaruś ščyra i addana, biez materyjalnaj kampiensacyi za «luboŭ» da Baćkaŭščyny», Siarhiej Bulba zapeŭniŭ, što abaviazkova stvoryć novuju arhanizacyju — ź inšaj nazvaj, ale z tymi ž metami.
«Paspalitaje rušeńnie» Siarhieja Bulby zharnuła dziejnaść
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki
Fantazija Bulby: Cichanoŭskaja nie rupicca za vyzvaleńnie Bialackaha, bo ź jaho buduć vyroščvać novaha lidara apazicyi
«Paspalitaje rušeńnie» ŭznačaliŭ kolišni zasnavalnik «Biełaha lehijonu»
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj92
Kamientary