Letaś amal 5,7 tysiačy biełarusaŭ atrymali polskaje hramadzianstva praz praceduru pryznańnia
U 2024 hodzie amal 5,7 tysiačy biełarusaŭ atrymali polskaje hramadzianstva praz praceduru pryznańnia. Pra heta śviedčać praanalizavanyja vydańniem «Pozirk» adkrytyja aficyjnyja danyja na polskim partale.
Pryznańnie hramadzianinam Polščy — heta administratyŭnaje rašeńnie, jakoje prymaje vajavoda (rehijanalny kiraŭnik), kali ŭ inšaziemca jość ciesnaja suviaź z Polščaj: pastajannaje pražyvańnie, dazvoł na žycharstva, polskija karani i inšyja zakonnyja padstavy. Hetaja pracedura adroźnivajecca ad nadańnia hramadzianstva prezidentam krainy.
Najbolš biełarusaŭ letaś pryznali hramadzianami Polščy ŭ Mazavieckim vajavodstvie (tut znachodzicca Varšava) — 2248 čałaviek. Dalej iduć: Pamorskaje — 726, Padlašskaje — 663, Vielkapolskaje — 432, Małapolskaje — 431 i inšyja vajavodstvy.
Usiaho orhany ŭłady Polščy pryniali 10 925 stanoŭčych rašeńniaŭ ab pryznańni hramadzianstva dla 14 828 inšaziemcaŭ. Biełarusy składajuć 38,34% ad hetaj kolkaści, sastupajučy tolki ŭkraincam (7451 čałaviek, abo 50,27%).
Taksama ŭ 2024 hodzie 506 inšaziemcam admovili ŭ pryznańni hramadzianstva, u tym liku 148 biełarusam i 216 ukraincam.
Pavodle źviestak Upraŭleńnia pa spravach inšaziemcaŭ, na kaniec lutaha 2024 hoda ŭ Polščy žyli 143,1 tysiačy hramadzian Biełarusi z aficyjnymi dakumientami, što lehalizujuć ich znachodžańnie ŭ krainie.
Kamientary