Miadzinski zajaviŭ, što Ukraina pieraniesła «na niavyznačany termin» abmien vajennapałonnymi i ciełami zahinułych sałdat
Pamočnik prezidenta Rasii Uładzimir Miadzinski zajaviŭ, što rasijski bok 6 červienia «prystupiŭ da realizacyi humanitarnaj akcyi» pa pieradačy Ukrainie bolš za šeść tysiač cieł zahinułych vajennych USU i abmienu pałonnymi, piša Rasijskaja słužba Radyjo Svaboda.
Pavodle jaho słoŭ, pieršyja 1212 cieł užo dastavili ŭ rajon abmienu, a Ukrainie pieradali pieršy śpis vajennapałonnych — u jaho ŭklučany 640 čałaviek katehoryj «paranienyja, ciažkachvoryja i moładź».
Miadzinski zajaviŭ, što ŭkrainski bok «niečakana pieranios na niavyznačany termin i pryjom cieł, i abmien vajennapałonnymi». Jon dadaŭ, što kantaktnaja hrupa Minabarony Rasii znachodzicca na miažy z Ukrainaj. Pavodle jaho słoŭ, pryčyny zatrymki «nazyvajucca roznyja i davoli dziŭnyja». Miadzinski nie ŭdakładniŭ, jakija mienavita.
Va ŭkrainskim Kaardynacyjnym štabie pa pytańniach abychodžańnia z vajennapałonnymi paŭtaryli svaju ŭčorašniuju zajavu — u joj skazana, što paviedamleńni pradstaŭnikoŭ Rasii pra pačatak abmienu nie adpaviadajuć rečaisnaści, a padrychtoŭka da jaho jašče praciahvajecca.
Krynica «RBK-Ukraina», infarmavanaja pra praces padrychtoŭki abmienu, zajaviła, što rasijski bok «sprabuje cisnuć na pierahavornuju hrupu». «Abmien rychtujecca, a lubyja padrabiaznaści mohuć vielmi mocna paŭpłyvać na heta. Heta adčuvalnaje pytańnie», — zajaviŭ surazmoŭca vydańnia.
Ab abmienie vajennapałonnymi i ciełami zahinułych baki damovilisia padčas druhoha raŭndu pieramovaŭ u Stambule, jaki prajšoŭ 2 červienia.
-
Stała viadoma, jakoj krainie pieradavaŭ infarmacyju były kiraŭnik niamieckaj raźviedki
-
Uzbrojenyja ludzi ŭ maskach siłkom hnali mihrantaŭ ź Biełarusi ŭ Łatviju, pierasiekli miažu i skrali kamiery
-
Viadučy trejdar papiaredziŭ pra ryzyku rostu cen na naftu da $200 za baral praź niedachop reziervaŭ i tankieraŭ
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha1
Kamientary