Čynoŭnik zajaviŭ, što moładź choča pracavać narmalna — «jak ruskija»
«Ja z uźbiekistancami pracavaŭ. Jany kazali, što ruskija nikoli tak nie buduć pracavać, jak my».
U prahramie «Da! No…» na STB abmiarkoŭvali temu pracoŭnych mihrantaŭ. Načalnik adździeła Centra pa zabieśpiačeńni dziejnaści biudžetnych arhanizacyj Minskaha rajona Alaksandr Hustyr zadaŭ pytańnie najmalnikam:
«Ci sapraŭdy prablema pryciahnieńnia imihrantaŭ u tym, što jość deficyt kadraŭ, a nie, dapuścim, zapyty našych hramadzian u płanie ŭmoŭ pracy, zarabotnaj płaty, i hetak dalej?»
Namieśnik hienieralnaha dyrektara Aršanskaha lnokambinata pa ideałahičnaj rabocie i sacyjalnych pytańniach Siarhiej Sidzin adkazaŭ jamu, što vyniki ankietavańnia, jakija jany pravodziać siarod vypusknikoŭ škoł, pakazvajuć, što moładź «choča być błohierami, tyktokierami, kim zaŭhodna, ale tolki nie rabočymi».
Pa jaho słovach, paśla madernizacyi na šviejnuju fabryku patrabujecca 250 švačak, ale «zaraz u horadzie na švačak prychodzić 25 čałaviek u hod». U vyniku davodzicca pracavać u adnu źmienu.
Sidzin paraŭnaŭ staŭleńnie da pracy roznych pakaleńniaŭ.
«Ludzi (…) bolš za 50 hadoŭ. Voś ja prychodžu da ich i kažu, chłopcy, tut z płanam troški nie tak, treba padnacisnuć. Jany kažuć: «Uładzimir Iljič, vyjdziem, što treba?» Padychodžu da maładoha čałavieka: «Nu, davaj vaźmi paŭtary, vaźmi jašče adzin bok u pradzilnaj mašynie. Nu, treba». «A navošta mnie? Mnie voś 2,5 tysiačy, mnie chopić».
Hustyr zaŭvažyŭ, što «kožny hramadzianin svajoj krainy choča ŭ svajoj krainie pracavać u ramkach narmalnaha hrafika». I zhadaŭ dośvied pracy ŭ Rasii:
«Voś vy havorycie pra toje, što treba šmat vyrablać. Ja, dapuścim, za miažoj pracavaŭ, u Rasii. Jak ruskija na heta hladzieli? Ja z uźbiekistancami pracavaŭ. Ja na linii pracavaŭ miechanikam. U maim padparadkavańni było čatyry žychary z Uźbiekistana. Jany kazali, što ruskija nikoli tak nie buduć pracavać, jak my.
Ale ruskija, u svaju čarhu, zajaŭlali pra toje, što my chočam u svajoj krainie pracavać narmalna, z vaśmi da piaci, kab u nas byli vychodnyja, paŭnavartasny režym adpačynku i snu, i paŭnavartasnaje sacyjalnaje žyćcio. Ja pra heta kažu».
Na heta Siarhiej Sidzin zaŭvažyŭ, što najmalniki nie chočuć pryciahvać u Biełaruś raboŭ.
«Pytańnie staić nie ŭ tym, što pryjezdžyja ludzi vycieśniać našych u rabotach, i my budziem paharšać ich stan. Nie, my zrobim mahčymaść takuju, kab hetyja ludzi, jakija pryjeduć, zaniali našy vakansii. Na mnohich pradpryjemstvach hetyja vakansii vielmi vialikija i doŭha nie zapaŭniajucca».
Ci atrymajecca va ŭładaŭ viarnuć dziaciej mihrantaŭ u biełaruskija škoły? Naŭrad ci, ale jany sprabujuć — prymusova
Na dziaržaŭnym TB davodziać, što mihranty ŭ Biełarusi dyscyplinavanyja, a taksistaŭ-zamiežnikaŭ niašmat
Łukašenka abaviazaŭ najmalnikaŭ całkam kantralavać žyćcio rabotnikaŭ-zamiežnikaŭ — až da taho, ci paradak u kvatery
Ciapier čytajuć
Kruty pryznaŭsia Łukašenku, što akupnaść Biełaruśfilma — 3%1
Kamientary
čyja by karova myčała, a ideołucha b pamaŭčała. "pracaŭnik"
hod tamu ŭzdumałasia mnie pajści na adno bujnoje pradpryjemstva.. kaniečnie ŭ vyniku nie pajšła. prosta cikava było zirnuć na sistemu trochu znutry. u ich tam ažna dva śpiecyfičnych zamy - adzin pa ideałohii, druhi pa dziaržbiaśpiecy. i voś treba było prajści abodvuch. pryjomnyja dni i časy ŭ ich nie kožny dzień i nie ŭvieś dzień, a paru hadzin. u naznačany čas sabrałasia rankam u paniadziełak u ich pad dźviaryma nievialikaja čarha.. i voś vychodziać jany abodva, zapirajuć kabiniety (typu - čakajcie) adzin druhomu kaža - "oj, a što heta za napłyŭ naroda taki?" "pieratrudzilisia" zranku ŭ paniadziełak "biednyja".. razumiejecie?