Poblizu vioski Akulinka ŭ Mazyrskim rajonie adbyłasia avaryja na mahistralnym naftapravodzie Mazyr — Brest, jaki naležyć AAT «Homieltransnafta «Družba». U vyniku zdareńnia adbyłosia vyciakańnie naftapraduktaŭ, paviedamlaje pres-słužba Minpryrody.
Na miesca incydentu pajechali pradstaŭniki rajonnaj inśpiekcyi pryrodnych resursaŭ, Mazyrskaha rajonnaha adździeła MNS, Pramatamnahladu, sanitarnaj słužby i rajvykankama.
Pryčyny avaryi pakul udakładniajucca. Incydent łakalizavany, traplańnia naftapraduktaŭ u vadajomy, jak paviedamlajecca, nie zafiksavana.
Avaryjnaja słužba pradpryjemstva pravodzić adnaŭlenčyja raboty i adpampoŭvańnie naftapraduktaŭ. Dla vyznačeńnia maštabaŭ i stupieni zabrudžvańnia hleby pryciahnuta analityčnaja łabaratoryja.
Taksama inicyjavanaje pasiadžeńnie kamisii pa nadzvyčajnych situacyjach u Mazyrskim rajvykankamie, kab vypracavać dadatkovyja miery pa likvidacyi nastupstvaŭ avaryi.
Kamientary