«Moj termin paŭnamoctvaŭ padychodzić da kanca». Iłan Mask pakidaje administracyju Trampa
Miljarder i kiraŭnik Departamienta efiektyŭnaści ŭrada ZŠA (DOGE) Iłan Mask zajaviŭ, što termin jaho paŭnamoctvaŭ u amierykanskaj administracyi zakančvajecca, i padziakavaŭ prezidentu Donaldu Trampu, piša Bi-bi-si.
«Pakolki moj termin paŭnamoctvaŭ u jakaści śpiecyjalnaha dziaržaŭnaha słužačaha padychodzić da kanca, ja chaču padziakavać prezidentu Donaldu Trampu za pradstaŭlenuju mnie mahčymaść skaracić marnatraŭnyja vydatki», — napisaŭ jon u svajoj sacsietcy X.
«Misija DOGE ź ciaham času budzie tolki macnieć, bo jana stanie ładam žyćcia va ŭsich orhanach dziaržaŭnaj ułady», — dadaŭ jon.
Napiaredadni Mask skazaŭ u intervju CBS, što rasčaravany «vialikim i pryhožym» zakonam Trampa pa padatkach i biudžecie. Pa jaho mierkavańni, zakon padryvaje namahańni pa skaračeńni vydatkaŭ i pryviadzie da rostu biudžetnaha deficytu.
Paśla ŭstupleńnia Trampa na pasadu Mask byŭ pryznačany «śpiecyjalnym dziaržaŭnym słužačym», što dazvalała jamu pracavać na dziaržavu 130 dzion u hod. Kali ličyć ad inaŭhuracyi 20 studzienia, to hety termin zakančvajecca ŭ kancy maja. Bieły dom, zdajecca, pačaŭ farmalny praces zvalnieńnia zasnavalnika Tesla i SpaceX z pasady dziaržaŭnaha słužačaha ŭ noč na čaćvier.
Reuters paviedamlaje sa spasyłkaj na krynicy, što ŭ Maska nie było razmovy z Trampam pierad abviaščeńniem pra sychod. Pry hetym, pavodle ich danych, rašeńnie było pryniata «na najvyšejšym uzroŭni».
Krynica ahienctva taksama skazała, što sychod Maska «byŭ chutki i biez cyrymonij». U krasaviku Mask kazaŭ, što płanuje bolš pracavać u svaich kampanijach, a DOGE pryśviačać tolki adzin-dva dni na tydzień. Paźniej jon skazaŭ, što płanuje skaracić achviaravańni na palityčnyja prajekty.
Mask abvinavačvaŭ ukaranionuju ŭ ZŠA biurakratyju ŭ tym, što DOGE nie ŭdałosia dasiahnuć usich svaich metaŭ, choć jaho aŭtarytarny styl i adsutnaść viedaŭ pra sučasnyja palityčnyja pracesy ŭ Vašynhtonie taksama adyhrali važnuju rolu.
«Situacyja ź fiederalnaj biurakratyjaj značna horšaja, čym ja dumaŭ, — kazaŭ jon. — Ja viedaŭ, što jość prablemy, ale, miakka kažučy, palepšyć situacyju ŭ Vašynhtonie — heta vielmi składanaja zadača».
Mask pryznavaŭ, što nie dasiahnuŭ usich svaich metaŭ, niahledziačy na toje, što dziasiatki tysiač čałaviek byli zvolnieny ź dziaržaŭnaj słužby, a niekalki ahienctvaŭ i viedamstvaŭ byli skaročany abo začynieny.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami23
Kamientary
Što ČK, što DOGE. Samaŭlubionyja ludzi z paviarchoŭnym razumieńniem i adsutnaściu adkaznaści - heta možna skazać i pra balšavikoŭ, i pra kamandu Trampa.
Mask kamandavaŭ pracesami ŭ svaich firmach jak samadur, u dziaržavie rabić toj ž samaje atrymałasia składaniej. Tramp taksama ź biźniesu biez pravił, deviełapier, jaki zvyksia kidać padradčykaŭ i klijentaŭ.
Darečy, nahoda padumać anarchistam i inšym pryncypovym krytykam dziaržavy: karparacyi - tyja ž mini/kvazi-dziaržavy, i akramia sapraŭdnych dziaržaŭ, ich niekamu abmiažoŭvać. Zaraz nahladny prykład, što sprabujuć rabić ź dziaržavaj bosy z karparatyŭnym myšleńniem.