«Minsktrans» arhanizuje biaspłatnuju pierasadku ŭ aŭtobusy na miažy Biełarusi i Polščy
U telehram-kanale «Minsktrans. Mižnarodnyja maršruty» źjaviłasia paviedamleńnie, jakoje datyčycca pierasadak z adnaho aŭtobusa ŭ inšy na biełaruska-polskaj miažy.
«U suviazi z praciahłym prachodžańniem dziaržaŭnych miežaŭ Biełarusi i Polščy ŭ napramku Varšavy pradpryjemstva «Minsktrans» arhanizoŭvaje biaspłatnuju pierasadku ŭ aŭtobusy pradpryjemstva, jakija stajać napieradzie, pry najaŭnaści volnych miescaŭ dla pasažyraŭ, što nakiroŭvalisia da pamiežnaha punkta «Brest» («Tarespal») na aŭtobusie «Minsktransa», — havorycca ŭ paviedamleńni.
U vypadku niepradbačanych situacyj («admova brać pasažyraŭ, uziaćcie paŭtornaj apłaty i hetak dalej») ukazany numar telefona, na jaki varta pisać u miesiendžarach. Pry zvarocie nieabchodna ŭkazać datu, čas, numar aŭtobusa.
Paviedamlajecca, što numar +375298635131 treba vykarystoŭvać tolki dla paviedamleńniaŭ, nijakim čynam na telefanavać.
Pa stanie na 12:00 na biełaruska-polskaj miažy stajała 30 aŭtobusaŭ (ranicaj było 40). A aŭtobus rejsam u 12:00 z Varšavy z-za praciahłaha pierajezdu miažy pieranosicca na 14:00.
Kamientary