«Мінсктранс» арганізуе бясплатную перасадку ў аўтобусы на мяжы Беларусі і Польшчы
У тэлеграм-канале «Мінсктранс. Міжнародныя маршруты» з’явілася паведамленне, якое датычыцца перасадак з аднаго аўтобуса ў іншы на беларуска-польскай мяжы.
«У сувязі з працяглым праходжаннем дзяржаўных межаў Беларусі і Польшчы ў напрамку Варшавы прадпрыемства «Мінсктранс» арганізоўвае бясплатную перасадку ў аўтобусы прадпрыемства, якія стаяць наперадзе, пры наяўнасці вольных месцаў для пасажыраў, што накіроўваліся да памежнага пункта «Брэст» («Тарэспаль») на аўтобусе «Мінсктранса», — гаворыцца ў паведамленні.
У выпадку непрадбачаных сітуацый («адмова браць пасажыраў, узяцце паўторнай аплаты і гэтак далей») указаны нумар тэлефона, на які варта пісаць у месенджарах. Пры звароце неабходна ўказаць дату, час, нумар аўтобуса.
Паведамляецца, што нумар +375298635131 трэба выкарыстоўваць толькі для паведамленняў, ніякім чынам на тэлефанаваць.
Па стане на 12:00 на беларуска-польскай мяжы стаяла 30 аўтобусаў (раніцай было 40). А аўтобус рэйсам у 12:00 з Варшавы з-за працяглага пераезду мяжы пераносіцца на 14:00.
Гурт «Дразды» пакідае сцэну і вінаваціць у гэтым «гіперактыўных блогераў»5
Гурт «Дразды» пакідае сцэну і вінаваціць у гэтым «гіперактыўных блогераў»
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга182182
Каментары