Rasija ŭ 10 razoŭ naraściła vypusk dronaŭ dla ŭdaraŭ pa ŭkrainskich haradach
Rasija značna pavialičyła vytvorčaść bieśpiłotnikaŭ, jakija vykarystoŭvajucca dla atakaŭ na ŭkrainskija harady. Ciapier u pavietranych atakach mohuć udzielničać sotni dronaŭ, prytym niekatoryja ź ich kirujucca štučnym intelektam, što robić ich mienš uraźlivymi da sistem radyjoelektronnaj baraćby, piša The Moscow Times.
Asnoŭnaja ciažkaść dla ŭkrainskaj supraćpavietranaj abarony — heta vialikaja kolkaść bieśpiłotnikaŭ, jakija zapuskajucca amal štodnia. Tolki za pieršuju pałovu maja Rasija vykarystała bolš za 2000 dronaŭ Shahed, a ŭ noč na 26 maja adbyłasia samaja maštabnaja ataka z pačatku vajny — zadziejničana było bolš za 364 latalnyja aparaty.
Rasija ŭžo vyrablaje šostuju madel Shahed i rezka naroščvaje ich vypusk. Kali raniej rabiłasia 300 štuk u miesiac, to ciapier takaja ž kolkaść moža vyrablacca za try dni. Pavodle ŭkrainskaj raźviedki, Rasija imkniecca pavialičyć vytvorčaść da 500 bieśpiłotnikaŭ u dzień. Ataka z tysiačy dronaŭ moža stać realnaściu.
Praŭda, niekatoryja ekśpierty, u tym liku ŭkrainski avijacyjny analityk Kanstancin Kryvałap, ličać takija ličby pierabolšanymi. Ale jon pryznaje, što navat bieź pierabolšańniaŭ pahroza značna ŭzrastaje.
Raniej Ukrainie ŭdavałasia źniščać drony z dapamohaj mabilnych padraździaleńniaŭ z kulamiotami i rakietnymi ŭstanoŭkami. Ale novyja madeli bieśpiłotnikaŭ stali chutčejšymi, vyšej laciać i ŭmiejuć abychodzić pieraškody. Ich usio čaściej davodzicca źbivać z dapamohaj viertalotaŭ, źniščalnikaŭ i śpiecyjalnych dronaŭ-pierachopnikaŭ.
Kala Kijeva sistema SPA ŭsio jašče efiektyŭnaja i źbivaje da 95% dronaŭ, ale tyja, što praryvajucca, nanosiać surjoznuju škodu.
Akramia taho, novyja drony bolš nie zaležać ad GPS, jaki možna zahłušyć. Ich kirujuć praz štučny intelekt i z vykarystańniem mabilnych sietak. Pavodle adnoj z zapisak, znojdzienych u abłomkach drona, dla kiravańnia vykarystoŭvajucca navat telehram-boty, jakija pieradajuć infarmacyju ŭ režymie realnaha času.
U dronie, što prylacieŭ va Ukrainu, znajšli zapisku z namiokam na źmienu taktyki udaraŭ
Rasijskija antydronavyja płaščy pavinny byli schavać sałdat ad bieśpiłotnikaŭ, ale zdaryłasia naadvarot
Masiravanaja ataka Rasii na Ukrainu: 13 zahinułych, dziasiatki paranienych
Rasijanie viaduć nastupleńnie na Sumščynie i majuć peŭnyja pośpiechi
U Minbarony RF zajavili, što rasijskija vojski stvarajuć «sanitarnuju zonu» na miažy z Ukrainaj
Kamientary
Paŭtaru kamientaryj kiraŭnika Cientru Protidiji Diezinformacii RNBO Ukrainy Kovalenko (telehram-kanał akovalenko1989):
"Istorija pro «zapiski v šachiedach» i upravlińnia čieriez Tielehram-boti - cie źvisno ŝoś )
Ŝodo distancijnoho kieruvańnia - diejaki šachiedi ŝie z minułoho roku tak kierujuťsia, na nich kamieri vstanovluvali i kieruvali distancijno. Žodnoji siensaciji - jich źbivajuť."
"Ŝie dodam, ŝo štučnoho intielektu v šachiediv narazi niema.
U rosijan je inšij udarnij dron z ŠI, ale cie nie šachied.
rosijani zahałom biez Kitaju nie majuť možlivostiej sierjoznoho roźvitku ŠI, jakij mih bi konkuruvati iz Zachodom."
Karotka: zapiski i telehram - fejk, dystancyjnaje kiravańnie źjaviłasia nie zaraz - a letaś (u 2024), štučnaha intelektu mienavita ŭ šachiedaŭ niama.
Ci nie daść? I nie dazvolić?...