Rasijskija antydronavyja płaščy pavinny byli schavać sałdat ad bieśpiłotnikaŭ, ale zdaryłasia naadvarot
Z-za niedaskanałaj technałohii rasijskija vajskoŭcy stali zaŭvažnymi mišeniami dla ŭkrainskich dronaŭ.
Antydronavyja płaščy pavinny maskiravać ciapło cieła, kab sałdat było składaniej znajści z dapamohaj pryboraŭ načnoha bačańnia i infračyrvonaj optyki. Adnak z-za niedaskanałaj technałohii i niedastatkovaj padrychtoŭki pa ich vykarystańni rasijskija vajskoŭcy stanoviacca mišeńniu dla bieśpiłotnikaŭ, raskazvaje The Telegraph.
Zamiest taho, kab chavać ciapło cieła, rasijskija płaščy stvarajuć chałodnyja zony na fonie bolš ciopłaha pryrodnaha asiarodździa, robiačy vajskoŭcaŭ «čornymi mišeniami» dla naniasieńnia udaraŭ.
Takija niedaskanałyja antydronavyja płaščy, naprykład, vykarystoŭvali rasijskija sałdaty pad Limanam.
Inšaja rasijskaja šturmavaja hrupa ŭkryłasia bolš jakasnymi ciepłavymi koŭdrami, ale nie mieła naležnaj padrychtoŭki pa ich efiektyŭnym vykarystańni. Było vidać, jak ich nohi, ruki ci hałovy vyhladali z-pad koŭdraŭ, jakimi pa praviłach treba zakryvać usio cieła.
U internecie možna znajści infarmacyju, što rasijskija termakaściumy pradajucca za 47 dalaraŭ.
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki26
Kamientary
Ja nie protiv vojennoj propahandy protiv vraha, no kohda eto prinimajet formy nieakadiemičieskoho brieda, kohda illustracii oprovierhajut tiezis, ruka tianietsia diełať fiejspałmy