Leśniki Ikanskaha laśnictva ŭ Barysaŭskim rajonie zaŭvažyli ślady dvuchhadovaha miadźviedzia na śviežym śniezie, piša «Minskaja praŭda».
Takich žyvioł nazyvajuć «badziahami» — heta miadźviedzi, jakija vyjšli ź zimovaha snu zaŭčasna. U takim stanie jany mohuć być bolš niebiaśpiečnyja, čym zvyčajna. Pryčynaj taho, što im nie śpicca, moža być ciopły pačatak zimy, adsutnaść śniehu ci niedachop kormu vosieńniu — nieŭradžaj jahad, arechaŭ i žałudoŭ.
Leśniki rekamiendujuć być aściarožnymi tym, chto płanuje špacyry pa lasach na Barysaŭščynie: paźbiahać hłuchich učastkaŭ lesu, asabliva z burałomami i zavalenymi jelnikami — mienavita takija miescy miadźviedzi vybirajuć dla zimoŭki.
Dla biaśpieki taksama treba:
- pavodzić siabie šumna — havaryć, stukać pa drevach, kab žyvioły vas abminali;
- ruchacca pavolna i nie pavaročvacca da miadźviedzia śpinaj, nie hladzieć jamu ŭ vočy;
- kali idziacie z sabakam — trymajcie jaho na švorcy, kab nie spravakavać žyviolinu;
- kali znajšli miadźviedžuju biarłohu abo ślady — akuratna adstupajcie i paviedamlajcie ŭ laśnictva abo MNS.
Kali sustreča ź miadźviedziem niepaźbiežnaja, śpiecyjalisty rekamiendujuć adstupać pavolna, havaryć spakojnym nizkim hołasam i nie rabić rezkich ruchaŭ.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy
Kamientary