Vajskoŭcy RF paviedamili, što viertalot Pucina trapiŭ u epicentr ataki BPŁA
Viertalot Pucina padčas tajemnaha vizitu ŭ Kurskuju vobłaść trapiŭ pad mahutnuju ataku dronaŭ, praź piać dzion zajaviŭ kamandzir kurskaj dyvizii SPA.
Padčas naviedvańnia Kurskaj vobłaści 20 maja, viertalot z prezidentam Rasii Uładzimiram Pucinym apynuŭsia ŭ «epicentry adbićcia maštabnaj ataki ŭkrainskich bieśpiłotnikaŭ». Pra heta zajaviŭ kamandzir dyvizii SPA Juryj Daškin u efiry dziaržaŭnaha telekanała «Rasija».
«My adnačasova viali supraćpavietrany boj i zabiaśpiečvali biaśpieku viertalota prezidenta. Jon litaralna znachodziŭsia ŭ epicentry masiravanaj ataki bieśpiłotnikaŭ praciŭnika», — zajaviŭ Daškin, jakoha cytujuć «Viesti».
Pavodle jaho słoŭ, u niebie nad rehijonam u toj dzień byli źniščany 46 dronaŭ samalotnaha typu. Ataku nazvali «biesprecedentnaj» z boku USU.
20 maja Uładzimir Pucin upieršyniu naviedaŭ Kurskuju vobłaść paśla taho, jak Ministerstva abarony RF abviaściła ab jaje «poŭnym vyzvaleńni» ad ukrainskich vojskaŭ. Pra vizit pres-słužba Pucina raspaviała tolki na nastupny dzień.
Kamientary
Kab nie pucinskaja udal i kiemlivaść.
Jon ułasnaj jełdoju adbiŭ tuzin ukrainskich dronaŭ i dźvie rasijskija rakiety SPA.
Kab uviekaviečyć pamiać pra hieraičny rejs, na bort viertalota nanieśli nadpis: 💼💼💼💼