«Chočam, kab heta miesca asacyjavałasia z nami». Va ŭžo były Dom kino pierajedzie harkam BRSM
U byłym kinateatry płanujecca praviadzieńnie «Karalevy studenctva» i «Studenta hoda».
U BRSM vyznačylisia, jak buduć vykarystoŭvać były Dom kino na Tałbuchina, jaki pieradali Pałacu dziaciej i moładzi.
U budynak byłoha kinateatra pierajedzie staličnaja arhanizacyja BRSM, piša «Minsk-Naviny».
«Usie dalejšyja mierapryjemstvy, uklučajučy «Student hoda», «Karaleva studenctva», vystaŭka «100 idej dla Biełarusi» i inšyja, płanujem pravodzić u byłym Domie kino. Važna, kab u dalejšym hetaje miesca ŭ moładzi asacyjavałasia z nami», — adznačyŭ pieršy sakratar harkama BRSM Raman Bandaruk.
Taksama ŭ Dom kino pierajedzie i pijanierskaja arhanizacyja, BRSM źbirajecca pravodzić ź joj sumiesnyja mierapryjemstvy. Bandaruk miarkuje, što Dom kino stanie łakacyjaj, jakaja «budzie abjadnoŭvać moładź pa intaresach».
U staličnym videaprakacie raniej rastłumačyli, što kinateatr zakryli z-za niepatrebnaści. Moładź ciapier addaje pieravahu nievialikim kinateatram u handlovych centrach. Akramia taho, Dom kino znachodzicca ŭ rajonie, dzie žyvuć u asnoŭnym pažyłyja ludzi, a jany ŭ kinateatry asabliva nie chodziać.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii31
Kamientary