Na MKAD moža źjavicca čaćviortaja pałasa — dla cichachodnaha transpartu i śpiectechniki

Pasiadžeńnie kamisii pa pytańniach biaśpieki darožnaha ruchu ŭ Minsku prajšło 12 maja ŭ Minharvykankamie pad kiraŭnictvam staršyni Uładzimira Kucharava. U mierapryjemstvie ŭziali ŭdzieł kiraŭniki mnohich haradskich struktur i pradpryjemstvaŭ, a taksama kiraŭniki staličnych rajonaŭ, paviedamlajuć Minsk-naviny.

Najbolšuju ŭvahu nadali pytańniu realizacyi piłotnaha prajekta pa źnižeńni transpartnaj nahruzki i pavyšeńni prapusknoj zdolnaści na MKAD.

— Prablemny 6-kiłamietrovy ŭčastak unutranaha kalca MKAD znachodzicca ŭ miežach źjezdu ad haražnaha kaapieratyva «Antej» na vuł. Ubareviča, 77a, da źjezdu na Ihumienski trakt, — adznačyŭ u svaim vystupleńni namieśnik načalnika DAI Minharvykankama Dzianis Livanovič.

— Praduhledžvajecca, što źnižeńnie nahruzki padčas realizacyi prajekta budzie dasiahnuta za košt źmianieńnia arhanizacyi darožnaha ruchu i darožnaj raźmietki, a taksama pavieličeńnia kolkaści pałos ruchu pa mahistrali da čatyroch.

Jon adznačyŭ, što ciapier u Minsku majucca try haradskija kolcy, adnak zamknionym źjaŭlajecca tolki MKAD. Pry hetym adlehłaść ad druhoha haradskoha kalca da MKAD składaje ad 4,2 da 5,9 km.

Miž tym padčas manitorynhu transpartnaj dynamiki na MKAD było ŭstanoŭlena, što 10—15 % — heta źniešni tranzitny ruch, 45—50 % ad usiaho patoku — heta pieraraźmierkavańnie metavaha tranzitnaha ruchu, 34—40 % — heta transpartnyja suviazi pieryfieryjnych rajonaŭ horada.

Siaredniaja praciahłaść pajezdki pa MKAD aŭtamabila z roznych metavych patokaŭ (unutranych, tranzitnych i h. d.) składaje kala 7 km.

Asnoŭnaj pahrozaj biaśpiecy darožnaha ruchu na MKAD i pryčynaj uźniknieńnia šmatkiłamietrovych zatoraŭ źjaŭlajucca nastupstvy incydentaŭ (da 70 %), što adbyvajucca z-za DTZ abo inšych pieraškod dla ruchu. Spadarožnymi faktarami (pryčynami) uźniknieńnia incydentaŭ źjaŭlajucca źmieny nadvorja, ciomny čas sutak, niepadrychtavanaść kiroŭcaŭ da ŭmoŭ ruchu, najaŭnaść u składzie transpartnaha patoku hruzavych i cichachchodnych aŭtamabilaŭ (śpiectechniki), a taksama hramadskaha transpartu.

— Praviedzieny manitorynh umovaŭ ruchu transpartnych srodkaŭ na 10-m km MKAD pakazaŭ, što intensiŭnaść ruchu ŭ ranišniuju hadzinu-pik składaje bolš za 2500 aŭtamabilaŭ za hadzinu, — praciahnuŭ D. Livanovič. — Pry hetym 92 % ad ahulnaha patoku — heta lehkavyja aŭtamabili, 7,5 % — hruzavyja, mienš za 1 % — hramadski transpart i cichachchodnyja transpartnyja srodki. U dzionny čas patok hruzavikoŭ dasiahaje 18 %, a «cichachodaŭ» — kala 2 %.

Taksama ŭstanoŭlena, što ŭ pieryjad z 2022 pa 2024 hod na razhladanym 6-kiłamietrovym učastku MKAD adbyłosia 88 DTZ.

Z metaj zabieśpiačeńnia ŭstojlivaha raźvićcia transpartnaj infrastruktury horada i naležnaha ŭzroŭniu jaje darožnaj biaśpieki ličycca metazhodnym zapłanavać na bližejšuju pierśpiektyvu 2025—2026 hadoŭ padčas praviadzieńnia rabot pa ŭtrymańni i ramoncie MKAD realizacyju nastupnych mierapryjemstvaŭ.

Havorka idzie pra stvareńnie dadatkovaj pałasy dla ruchu cichachodnych transpartnych srodkaŭ z abmiežavańniem chutkasnaha režymu pa joj da 70 km/h za košt źmianieńnia šyryni pałos i niaznačnaha pašyreńnia prajeznaj častki za košt asfaltabietonnaj abočyny. Ahulnaja šyrynia darohi ad raździalalnaha barjernaha aharodžy da apory aśviatleńnia zastaniecca niaźmiennaj.

D. Livanovič taksama raspavioŭ pra prapanavanyja miery pa stvareńni na staličnych mahistralach chutkasna-pierachodnych pałos.

• 0
• 1
• 0
• 0
• 0
• 0
• 0
• 0